(البارت الحادي عشر حب من عالم آخر)
انا الصراحه فرحت من اللي انا عملتو مع اني مكنتش عارف انا عملت كدا ازاي.
ليلى قالتلي برافو عليك انتا راجل بجد و كبرت في نظري و جبتلي حقي و حقك بس انتا افتريت عليه اوي
بتحبني للدرجادي قولتلها مش حكاية حب بس انا بحبك فعلا
.
المهم كملنا سهرتنا عادي وفضلنا نضحك و نهزر و كدا و قومنا خرجنا من المطعم و ركبنا العربيه و مشينا كانت الساعه حوالي10:30.
قالت هتروح ولا ايه قولتلها انتي عاوزه تروحي قالت لا بس بسالك اللي تحبو قلتلها لا عادي خلينا شويه.
و احنا ماشين قولت كدا في سري انا لازم اعرفها بموضوع الضفدعه دا لان ممكن يحصلها حاجه.
فقلتلها ليلى انا عاوزك اقولك على حاجه حصلت معايا بس متردد قالت ايه اللي حصل قول قلتلها زي موضوع القطه دا فراحت موقفه العربيه و قالت لا احكيلي بسرعه ايه اللي حصل وكان في خوف في عنيها كدا.
المهم حكيتلها اللي حصل كلو مع الضفدعه من اول يوم لحد مقالت اقتل ليلى وكدا فقالت ازاي الكلام دا حصل مش يمكن تكون تخيلات وراحت ضحكه .
قولتلها انا بتكلم بجد و الكلام دا حصل بجد
متضحكيش انا خايف عليكي و لما الضفدعه قالت اني اقتلك علشان تسيبني اعيش قلتلها لا و اللي يحصل
يحصل.
قالت خلاص انا بهر معلش قلتلها اوكي
فقالت طب اهدا بس متتعصبش انا مصدقه كلامك بس القران ذكر فيه الجن و الشياطين فعلا و متخافش هي مش هتظهرلك تاني قلتلها وانتي عرفتي ازاي قالت انا بفهم في الجن كويس و الضفدعه دي كانت من الجن و كانت بتحبك بس لما عرفت انك ارتبط و بتحب اللي انتا ارتبط بيها مش هتيجي جمبك تاني و هتنتحر
الصراحة هي كلامه مش اي حد يصدقو بس انا ارتحت وقلتلها ربنا يطمن قلبك.
ومن بعد اليوم دا و انا مبقيتش اخاف بقا و بقيت بخرج تقريبا كل يوم انا و ليلى و نسهر مع بعض و حبنا زاد
و كمان في حجات كتير في حياتي اتغيرت.
لان احنا كان مستوانا الاجتماعي (ماديا)
كان متوازن يعني بابا كان مرتبه 4000 جنيه بس و كان مهندس جوده
دلوقت اترقى بقا المدير و بقا بياخد 7500جنيه و انا كمان خلصت الكليه و اتعينت مهندس في الشركه مكان بابا و بقيت باخد مرتب كويس6000جنيه والعيش بقت معقوله وفضلنا على الحال دا لمدة عامين…