#غيبوبه 3
نسيبه:مش مسكره فمي وتفضل اطلع اقلب وجهك هاذي مصحه محترمه مش متع رديف زيكم
نضال:طيح الطاوله يلي فيها المعدات ويعيط…بتسكرررررري فمك انتي ولا نجيككككك
هنادي:خافت…خلاص نسيبه اسكتي ياسر
نسيبه:مش ساكته بعدين انتي عاجبك كيف خشو هكي
هنادي:بخوف..عادي عادي اصلا جرحه مش عميق يبي تعقيم تو نعقمه وتمشي الامور خلاص
نبيل:عقميلي قلبي ع طريقك خشلي فايروس ع هيئة قلوب ??
نسيبه:وصايعين زياده
نضال:تي اسكككككتي
الدكتوره(ايه):السلام عليكم ناديتني نبيل؟!اه حتى نضال هنايا
نضال:هز راسه بمعنى اهلين
نبيل:عيونه ع هنادي…ااه اي اي عندنا الولد هاذا نبو نضموله اموره بدون شوشره منسحابكش قاعده هنايا
نسيبه:يالله هي خوذو المريض معاكم وبرو عندها اصلا متعوده ع نماذج الرديف هاذي
ايه:سكري فمك انتي خير منغلط معاك
نسيبه:طز فيك وفي عشره زيك انتي والعيل متعك
نضال:بنبرة تهديد….احفضي وجهي كويس انتي
نسيبه:ضحكت بهزوه
هنادي:مراقبه الموقف بس في داخلها خوف
كانت هنادي بسرعه متخاف ومعندهاش في ردان الكلام زي نسيبه وقوتها نهائي
طلعو نضال ونبيل ويزن يلي مش عارف ربي وين حاطه ?والولد المصاب مع الدكتوره
________________
نضال:الزح يطلعولك نماذج مش وقتهم بكل
نبيل:كيكات لاكن?…بنوض انا
نضال:وين
نبيل:بنسألها قداش ينحو في السوسه
نضال:خلاص الزفت ياسرك بنات متعياش
نبيل:حسد ياكبدي حسد هاذا كله ع خاطر طاحت فيا من اول نضره
نضال:تي اما نضره معبراتكش بكل
نبيل:عادي مش شرط تعبرني في ناس مش فالحه في التعبير لاكن تزبط في الحساب
نضال:شن دخل الحساب?
نبيل:باش تمل رقمها?ولا لا يزن؟
يزن:الكيوي لونه اخضر زي العشب في الربيع
نبيل:بزبط يزن استمر ??
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
هنادي:ترتب في الغرفه وتقيم في المعدات والحجات المكسره
نسيبه:لاكن تو نوريها الحقيره هذيكه
هنادي:خلااااص الهم ياسر خليهم مدخلناش فيهم
نسيبه:خوافه انتي ونبي سكري فمك تو نعرف شنو نديرلها اللفعه هذيكا
هنادي:??♀️خلاص 15الدقيقه ويكمل الدوام
نسيبه:اوووف البسي خلي نطلعو للقهوا قبل منروحو
هنادي:خلي نقيم الحوسه هاذي قبل
نسيبه:تي خليها تو يجو متع التنضيف
هنادي:نحت البابطو الابيض ولبست جاكيتها ونزلت هيا ونسيبه .
قدام المصحه:-
نبيل:اوثقي فيا بسس
البنت:تي انت تكلم في 3غيري
نبيل:به الزح كلهم واثقين فيا الا انتي
البنت:سكرت الخط في وجها
نبيل:عشمتني حسبي الله فيها ?..وتلفت
هنادي:متحكيش معاه اطلعي وانتي ساكته
نبيل:محتاجين توصيله؟!
نسيبه:لا صحيت منور
نبيل:مسمومه ياكبدي
نسيبه:طلعت هيا وهنادي بدون اي كلمه ونبيل يتفحص في هنادي من بعيد
نضال:هيا وقت
نبيل:هي …وطلع مع صحابه
____________
في الكافي…كانت هنادي مقعمزه مع نسيبه ويهدرزو
نسيبه:اءءء قولي هنو
هنادي:عيونها في التالفون…اها
نسيبه:شن صار في ياسين خطبتوله؟
هنادي:قامت عيونها
نسيبه:ارتبكت….قصدي يعني خلي نحصلو عرس وهكي?
هنادي:امس قال لي امي وقفي الموضوع معش نبي كل مره في راي الفرخ هاذا
نسيبه:اي مبعد امك منه
هنادي:خذت رشفه من القهوا وقامت عيونها تتفرج ع المطر كيف تصب
نسيبه:تكتب في مسج لي ياسين
هنادي:في لحضه توقفت انفاسها وزادت دقاق قلبها لما شافت عبدو مقعمز بي السياره ..طلعت بسرعه من الكافي تجري والمطر تصب عليها…عبدووو عبدوووو
نسيبه:لحقتها بسرعه…تعالي هنادي وين ماشيه
هنادي:بدت تجري وتحاول تلحق ع السياره لاكن فجأه ضاعت بين باقي السيارات واختفت
نسيبه:خشي هنادي المطر قويه
هنادي:طاحت ع ركبيها ونهارت تبكي ..حاسه بوحع فضيع في قلبها فيه شي يقوللها ان عبدو مش وهم ?عبدو كان راجلها وحبيبها عبدو قااعد بس مش قادره توصل فيه وكلهم مصرين انه وهم
نسيبه:نوضي حبيبتي معاي خير متمرضي
هنادي:ناضت بخطوات مهزوز …شفتي عبدو؟!رتيه صح
نسيبه:هزت راسها بي لا
هنادي:قعمزت قدام الكافي وتبكي…بالله عليك نسيبه متأكده انا شفته بعيوني في السياره
نسيبه:مسحت دموعها قبل مينزلو…خلاص هنادي انتي تتوهمي ياسرك
هنادي:غطت عيونها بي يديها وقعدت تبكي
نسيبه:بعدت شويه واتصلت بي ياسين عشان يروح بيهم
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
نبيل:راقد ع الصالون…زيدي احشي
نوسه(خالة نبيل):فمها معبي …مدخلكش فيا خليني ناكل
نبيل:وبعدين قولي علاش مخطبنيش حد وانتي الميزان مكسرتيه 8مرات
نوسه:وووه عليا معش تأنب ضميري انا الشيطان يوسوسلي يخلي فيا ناكل
نبيل:الشيطات متع معصيات مش ساندوتشات?
معمر:نببببببببيل نبببببببيل
نبيل:ها يابوي
هدى(امه):خيرك ع الولد
معمر:ولدك هاذا خلااااااص معش نتحمل لعند هني وياسر السكر ارتفعلي اليوم بسببه
نبيل:هاذا باش طالع عسل اليوم?
معمر:لوح عليه اللاب توب ….نوض تحرك اقلب وجهك من الحوش معادش نبي نشوفك
نبيل:تي علاش شن درت
معمر:ضاربين ولد فتحي انت والمصطولين صاحبك اليووووم؟!واحد كل يوم مداير مشكله والتاني ضربه الحشيش ومش عارف روحه وين اصلاا
نبيل:تي غير ا……
معمر:اطللللللللع
نبيل:خذي تالفونه….اصلا مش مستحقلك انا هي سلام
معمر:الف سلام
نبيل:مشي بعدين رجع….به منحصلوش 5نعبي بيها رصيد ع الاقل
هدى:??
معمر:تي برااااااااا
نبيل:ضحك وطلع من الحوش
________________
هنادي:وصلت الحوش مع نسيبه بدلت حوايجها ورقدت ع السرير
حفصه:كيف صار هكى؟!
نسيبه:منعلمش يمكن مشبها عليه او مش عارف
حفصه:كيف بندير بس
راويه:ياماما غلللط من البدايه قلنالك متكذبيش
حفصه:سكروووه الموضوع هادا يلي درته صح
روايه:شوفي الصح يلي تتكلمي عليه وين
حفصه:سكري فمك معش تردي الكلام
راويه:ناضت وهيا متنرفزه
نسيبه:هي خلي نروح يا مرت عمي
حفصه:خلي نكلم ياسين يروح بيك
نسيبه:لالا مفيش داعي تو نكلم بوي
حفصه:لا والله ميصير تو نروحو بيك
نسيبه:خذت شنطتها وناضت
___________
نبيل:تي نوض جيبلي عصير اميه اتشيدو اي حاجه نبل بيها ريقي انا نازح عندك
يزن:ناض وهوا يفتح في عيونه بسيف
نبيل:وانت يارعد العملاق شن صار في موضوعك
نضال:طلع دوته رسميه ?
نبيل:شن يعني؟!
نضال:يعني لا صار من عرس ولا شي بكرا بنمشي لي بوها بنفسخ
نبيل:?…اءءء زيد تأكد بالك في ت……
نضال:مفي شي طلعت تبيع في روحها ومهدرزه معاه فيديو
نبيل:مرات نيتها نضيفه
نضال:شنو يعني
نبيل:يعني هدرزت فيديو لانها مش قادره تكتب ????
نضال:نبيل مش ناقص البراده والتفاها متعك ره
نبيل:تي عادي علاش مضايق روحك تو تخطب سيدتها
نضال:يصير خير
يزن:هاك كول ومتفترشش ع البساط كيف كنست
نبيل:شن بناكل جايبلي شاهي مصقع ?
يزن:ولع دخانه….وقعمز
نبيل:هيا عاااد غيرلي جوك نضال متقعدش قالب وجهك هكي زي فتحي جارنا
نضال:?
نبيل:قالك مره في واحد
نضال:بالله فكني من النكت السخيفه متعك بدل مضحكني اديرلي قداد
نبيل:والله لما تسمعني…قالك مره في شيخ يخطب في الجمعه تحمس شويه قالهم يلي ميصليش بتجيه لفعه هكي كبر دين امهااا???
يزن:هههههههه?????
نضال:????
يزن:قالك مره في لا ولت لاااااااااااا علاش؟!
نبيل:استشورت شعرها??
يزن:غلط ..دارت بروتين???????
نبيل:يضحك لين طاح علي يزن
نضال:بدي يبتسم لاكن ميبيش يوضح
نبيل:قالك مره فيه واحد صيني تزوج ليبيه سمو ولدهم يونغ بوعجيله ????
يزن:طاح ع الارض من الضحك ..هههههههه وووه
نضال:مفي شي يضحك ع فكره
نبيل:يمسح في دموع الضحك…اه تخيل انا نفسيه زيك ومنضحكش ع حجات تافها …استغفر الله ياربي
نضال:?
_____________________
في الطريق:-
نسيبه:سمعت انك تراجعت ع الخطبه
ياسين:وفرحتي بلخبر هاذا ولا كيف؟!
نسيبه:تلفتت بي الروشن….عادي زي بعضه
ياسين:درس ع اليمين….خلينا نحلو موضوعنا توا مدام انا وياك بروحنا
نسيبه:دقات قلبها تتسارع تكتر واكتر خذت نفس عممممميق….اها احكي
ياسين:مسك يدها….خلينا نحاولو من جديد
نسيبه:ساكته
ياسين:بجديات خلاص مليت لو منبيكش كنت خطبت وخلاص
نسيبه:اءءء
ياسين:تحبيني؟!
نسيبه:ساكته
ياسين:جاوبي نسيبه كلامك رح يحدد مصيري انا وياك
نسيبه:ترددت هلبا بس اخر شي حكت…اي حبيتك وقاعده نحبك بس مستحيل نرجع معاك
ياسين:علاش!
نسيبه:يلي يخون مره يخون الف مرررره
ياسين:مسك راس نسيبه بيديه الزوز…كلنا نغلطو عطيني فرررصه وحده
نسيبه:….
ياسين:باسها ع خدها….مستحيل نضيعك من يدي وحتى لو مجاوبتنيش رح نعتبرك موافقه
نسيبه:ابتسمت
ياسين:حرك السياره وهوا ماسك يدها فرحان❤️
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
هنادي:ناضت الساعه 1في الليل معش جاها نوم صلت العشي وقعمزت تتفرج ع التلفزيون بس عقلها يخدم موقفش نهائي?
تفكيرها في عبدو وبس
في شقة يزن :-
نبيل راقد فوق يزن بعد ما قعدو يضحكو طوول الليل ع حجات مضحكش ونضال مقدرش يغمض عيونه .
نضال:ماشي جاي يفكر ?بعد مافرحت امه وكمل حوشه وبعد سنتين خطوبه تطلع في النهايه خاينه?صح محبهاش الحب الكبير بس كانت خيبة امل كببببيره بنسبه ليه
اما نسيبه كانت احلا ليله في حياتها من سنتين فاتو
قعدت طووول الليل صاهره مع ياسين ويتفكرو في ايامهم الحلوه وخلاص رجعو لبعض والفضل يرجع لي هنادي لانها فاقت من الغيبوبه وهيا خلتهم يتقابلو ويشوفو بعض
________________
ثاني يوم???
حفصه:غير اقعدي وراس بنتي مش ضروري تمشي اليوم
هنادي:مش قادره نقعد بنطلع نغير جوي مره وحده
حفصه:والله خايفه عليك يابنتي ?
هنادي:ابتسمت…متخافيش الحمد الله انا احسن
حفصه:به روحي بكري اختك هديل جايتنا اليوم
هنادي:ان شاء الله
محمد:هيا يابنت وقت عليا
هنادي:جايه
نبيل:اهلين
الموضفه:اهلين بيك استاذ نبيل
نبيل:وين بوي؟!
الموضفه:داخل في المكتب
نبيل:خش للمكتب بعد مافتح الباب ببطئ …صباح الاناناس يلي شاغل كل الناس
معمر:??شن جابك
نبيل:والله شوف سبحان الله وانا ماشي بسياره فتحت الراديو وسمعت قصه خلتني نجهش بي البكاء
معمر:امممم تجهش!!!
نبيل:اي المووهيم خلي نحكيلك لانها اثرت فيا بجد
معمر:شبك يديه في بعض …تفضل اتحفني
نبيل:قالك مره في ولد قنين هلبا جماله الله يبارك دمه خفيف ومشاء الله عليه لاكن يغلط مره مره
معمر:نتوقعه اسمه نبيل
نبيل:تستووور ياكبدي منين تعرف يابوي ..شكلك ساحر استغفر الله لاتؤذونه
معمر:خلصني كمل عندي شغل
نبيل:الموووهيم هذاك الولد بوه عنده مصحه سبحان الله زيك بزبط
معمر؛سبحان الله
نبيل:جي الولد لي بوه قاله يا ابي لعنك الله ققق قصدي حفضك الله معليشي اللغه متعي ضعيفه
معمر:تابع تابع
نبيل:قاله خدمني في المصحه متعك قاله تم ياولدي اخدم …المهم تمر الايام والسنين
تمر ولا حليب ???…سامحني خرجت ع النص
معمر:لا خوذ راحتك
نبيل:بعد ايام ولده اجتهد في الخدمه في مصحة بوه والحمد الله قدر يتخرج ادارة اعمال
معمر:شن دخل الخدمه في المصحه في التخرج في ادارة الاعمال؟!
نبيل:وين نعلم؟!لاكن ترا اسإلني ع الشي يلي نعلم بيه
معمر:شنو الشي يلي تعلم بيه
نبيل:الحكمه من القصه وهيا لاتجري السفن بما تحب الناس غايه لاتذكر
معمر:نبيل
نبيل:ياعيونه
معمر:نوض اقلب وجهك خذيت مني10دقايق ع الفاضي ومعش تجي هنايا
نبيل:بالله عليك خدمني عندك يابوي اي شي عادي حتى نمروح ع الممرضات ?
معمر:اهاااا قول من البدايه عاجبينك الممرضات انت يامصيص
نبيل:???تي ماهو ….
معمر:نووووض
نبيل:به شنو نبدا نخدم؟!
معمر:برا لي متع المحاسبه لوطه
نبيل:تم ياقنين
معمر:انصراااااف
نبيل:اموت في الانحراف? ….سلامات
معمر:ضحك …عليك فرخ
______________
الساعه3:00القايله
هنادي:راسي خلاص بيتفجر
نسيبه:نجيبلك مسكن؟!
هنادي:لالا بنروح نرقد يتعدل كل شي
نسيبه:مسكت يد هنادي…اهدي ومعش تفكري هلبا هكي بالله عليك اذكري كل شي وهم لا اكتر
هنادي:يصير خير ?…شنو تروحي معاي؟!
نسيبه:لا مزال زوز مواعيد نكمل 3ونص اسبقيني انتي
هنادي:تمام نتلاقو
نسيبه:سلام
طلعت هنادي ونسيبه وراها ركبت المصعد .
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
سميح:احوو احووو احووو …يابني دي سابع مره اشرحلك وانت مبتفهمش
نبيل:شن يلي مفهمتاش ياعمي انت بين الحرف والحرف تكح 10مرات
سميح:السجاير هلكتني يابني
نبيل:ياودي مش كحة دخان هادي ياعمي شكلك حجات اقوااا…غير صفي النيه
سميح:يلا ياشطان ?..رحت الدكتور وفحصت امبارح
نبيل:وألك اي ياعم؟
سميح:ألي اتمرن وجري
نبيل:وتعالى علي حجري???
سميح:عسلل والله ???
________________
نسيبه:طلعت فونها وهيا في المصعد فجأه وقف …اياااه علينا هيا مستعجله
نفتح باب المصعد وخش نضال
نضال:خش معاها ويشوف لوطه
نسيبه:حي عليا هذا يلي امس ?…وكان يقتلني هاذا بروحنا هني
هنادي:خشت الحوش بهدوء نحت كندرتها وجت بتخش الصاله لاكن وقفت لما سمعت امها تحكي علي عبدو ونصدممممت….يتبع