#غيبوبه 5
هنادي:به استني…نحت البالطو علقاته وكانت العلاقه جنب الروشن…قعدت هنادي تشوف من الروشن بي صدمه وطلعت تجررررررري بدون متحكي
نسيبه:هناااادي هناااادي وين ماشيه
هنادي:مشت بسرعه للمصعد لقاته معبي فاتاته ونزلت من الدروج
نسيبه:حست ان في شي ونزلت وراها بس نزلت بي المصعد
________________
ايه:اهلا نضال
نضال:بدون اهتمام …اهلين
ايه:وين نبيل!
نضال:كان هنايا طلع لي ولد عمه بياخذ منه كم حاجه
ايه:اهاا كويس ☺️شن جو الشغل معاك حسيتك منسجم اكتر من نبيل
نضال:كويس ماشيه الامور
ايه:اااه جي العريس خلي نباركوله
نضال:هز براسه بمعنى تمام
هنادي:طلعت قدام المصحه بس ملقتش حد غير نبيل
نبيل:خاش للمصحه…اهلينات?تبي شي طالعه؟
هنادي:اءء لا للل لا ولا شي بس في حد كان هنايا؟!
نبيل:ع منو تقصدي؟
هنادي:شي خلاص انا ملخبطه
نبيل:اخلا تلخبيطه والله?هي تخشي معاي للحفله؟!
هنادي:ا…..
نسيبه:اه اه تي وينك انتي دهشتيني في جرتك علاش نازله هكي
هنادي:لخبطت في حاجه
نبيل:في داخله….الدراه هاذي متخليناش بروحنا دقايق
نسيبه:وانت شن ادير هنايا?
نبيل:واقف علي رجليا مش علي قلبك ع فكره
نسيبه:هيا هنادي تأخرنا
نبيل:اااء استنى …بتجو للحفله صح؟!
نسيبه:اكيد يعني في تورته وحجات بلبلاش طبيعي بنجو
هنادي:نسيبه تحشمي ?
نبيل:شاف لي هنادي….تأنسينا يامتعبتينا ?
هنادي:وجها احمررر
نسيبه:ضحكت وخدت هنادي ومشت …
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
نبيل:يمضغ في المستكه….خيرك قارنهم
نضال:حاط يديه في جيوبه…مخرنيش?
نبيل:نسيت حقا ديمه وانت قارنهم اصلا
نضال:منو عزمها هاذي….واشر علي نسيبه
نبيل:عزمت حبيبتي طبيعي بتجي معاها يعني
نضال:حبيبت شنو هيا مش معبراتك
نبيل:حسب وجهة شبحتي يعني ….
نضال:اسمها وجهت نضري
نبيل:نفس المعنى ع فكره?…الموهيم رح تولي حبيبتي
نضال:مفضاك ومفضاني حتى انا
نبيل:قرب من نضال…انت جوك مش تمام شن رايك في نكته هكي تغير ملامح وجهك الحلوه?
نضال:رد بااااااالك
كلهم شافو لي نضال بي استغراب كيف عيط
نبيل:بهدوء …فضحتنا
نضال:جوي زبل من الصبح متزيدنيش انت والنكت البايخه متعك
يزن:السلام عليكم
نضال:كملت ??♀️
نبيل:تعالا جاي كيف بنقول نكته حماتك بتحبك
يزن:حتا انا عندي ?
نضال:هي نستأذنكم انا
نبيل:شده من يده ….تعالا جاي به سؤال بس
نضال:شني
نبيل:شنو الشبه بين البرتقاله والتفاح
نضال:بي استغراب….شنو؟!?
نبيل:الزوز ميطلعوش عصير جوافه?
يزن:نفجر بي الضحكه متاعه يلي خلتهم كلهم يشبحوله مستغربين ونبيل صايخ جنبه بضحك ??
يزن:اسمع هاذي اسمع …قالك مره في راجل طيب طيب طيب طيب طيب طيب لين تم عليه الغاز???
نبيل:اعععع هههههههههههههههههههههه
يزن:يضحك مع نبيل ويتطايحو علي بعض زي السكاره من الضحك لين الناس يلي جنبهم ضحكت معاهم بدون سبب???
_________________
نسيبه:شوفيهم بالله عليك كيف يضحكو زي النتايات الا هذاك يلي ع اليسار مرزنه
هنادي:وخيره عيونك يلمعو
نسيبه:حشااني العفو خيرك قتلك رزين بس
هنادي:امممم
نسيبه :غير شوفي بالله فرحه ايه كيف تدحنس عليهم
هنادي:ع سيرة ايه …وين صاحبتها رويده؟!
نسيبه: رويده تزوجت وسافرت قداش ليهااا ممكن سكرت سنه توا
هنادي:قداش حطو راسهم من راسنا الزوز تعبونا هلبا اول مخدمنا
نسيبه:هذاكه زمان توا اقسم بالله نمسح بكرامتهم الارض كمشه كلاب
هنادي:???ياحليلي الشريره
نسيبه:امالا شنو ???
هنادي:تبتسم لين جت عينها في عين نبيل
نبيل:يمسح في دموعه يلي نزلو من الضحك ع حجات تافها ويشوفلها ❤️
نسيبه:لاحضت نضراته لي هنادي…هنو
هنادي:اها
نسيبه:كأنه الكراش معجب
هنادي:بسم الله امتى صار كراش
نسيبه:هلاص متنكريش انهم حلوين الكلاب كلهم طايحين فيهم ممكن اغلب المريضات يجو ع خاطرهم ???
هنادي:ههههه عاد مش لهدرجه
نسيبه:عطيه فرصه ممكن بيحكي معاك او شي
هنادي:تنهدت بوجع….خلي السريب هاذا مسكر تربحي
نسيبه:خلاص عاد عبدو الله يرحمه شوفي حياتك
هنادي:من محفضك الكلمتين هادم؟!امي ولا خواتي
نسيبه:لا بس مش م…..
هنادي:بنمشي نبارك للعريس ونركب انا …ومشت
نسيبه:اففف امتى بنخليها تنسى بس تعبت نفسيتي في جرتها حتا انا …جت عينها في عين نضال
نضال:قام حاجبه
نسيبه:دارتله حركه عبيطه بي فمها ومشت
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
تمت الحفله البسيه بعد مافرقو الكيك والبكلاوه وركب كل واحد لي شغله ،
طق طق طق
نسيبه:نزلت الكمامه وتغسل في يديها…تفضل
نبيل:زايد فضلك
نسيبه:انت؟?
نبيل:لا نبيل المهم نبي منك خدمه للوطن
نسيبه:لوحت القوانطي …شنو
نبيل:رقم صاحبتك بس بس
نسيبه:ليش؟!
نبيل:عاجبتني بتريس
نسيبه:شن يلي عجبك فيها بزبط؟
نبيل:شن دخلك تقول جاي نخطب فيها منك
نسيبه:سكرت الباب
نبيل:معليشي خلي الباب مفتوح الشطان شاطر?
نسيبه:?مبرد دمك …المهم
نبيل:قعمز ع الكرسي ورجليه ع الكرسي الثاني…شنو
نسيبه:هنادي مش ……ويدت تحكيله في قصتها
_____________
هنادي:واقفه ع الروشن وفي داخلها حديث يدور في دماغها…عارفه ومتأكده في شي غلط في قصتي كلها !!في شي غامض مش مفهوم لازم نعرفه
قلبي نحرق وتعبت كل مره نشوف في شي !..لازم ندير حل لي الشي يلي انا فيه ومش رح نقول لحد لانهم مش رح يصدقوني ومفيش حد بيوقف معاي حتى اقرب الناس ليا …
ايه:السلام عليكم
هنادي:شبحتلها بطرف عين…وعليكم السلام
ايه:نحصل عندك اسبرين
هنادي:دوري في الدرج تلقي
ايه:خذاتها وجت بنطلع لاكن رجعت…اه في شي تاني حابه نحكي فيه مدام مش معاك بنت عمك اللفعه.
هنادي:تلفتت وساكته تراجي فيها تتكلم…
ايه:حليك محافضه علي سمعتك النضيفه وبلاش تلصيق ع ولد صاحب المصحه.
هنادي:شن تقولي انتي
ايه:نحكي ع نبيل بطلي استغباء شفت نضراتك ليه اليوم لو متبعديش رح ندير زي ر…….
نسيبه:هنوو مش…انتي شن ادير هنايا ?
ايه:مش مصحة بوك هيا باش نستأذنك …وطلعت
نسيبه:خيرها شنو تبي منك هاذي
هنادي:خليها تنبح تسحابنا زيها …انا كملت مواعيدي نروح ولا نراجيك
نسيبه:لا روحي حبي مزال عندي انا
هنادي:نحت البالطو وخذت شنطتها…تمام هي سلام
نسيبه:سلام .
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
طلعت هنادي روحت ووراها نسيبه رافعه شويه وراق لي الرسبشن …
نسيبه:طاحت عينها ع قهوة ايه حاطتها ع الطاوله ومن هني خطرت عليها فكره جهنميه??
قربت نسيبه من القهوا وايه لاهيه في الورق ..حطت شوية مسهل في القهوا وتباعدت شوي شوي تراقب في ايه عشان تشرب
نسيبه:اشربي ياكلبه يمكن خاطري يبرد شوي
ايه:قامت القهوا كيف بتحطها في فمها خذاها نضال??♀️
نضال:جت النيه فيها تسمحيلي
ايه:هههه اكيد هيا ليك
نضال:منوره…وطلع وهوا يشوف لي نسيبه نضرات تخوف
نسيبه:خافت?…وقعدت تلحق فيه شوي شوي لين شفاته لوح القهوه وخش غرفة المحاسبه خشت وراه تجري
نضال:اطلعي برا من قالك خشي
نسيبه:سكرت الباب…من سمحلك تاخذ القهوا
نضال:يعيط عليها…انتي عارفه لو شكيت فيك احتمال حتى يحبسوك؟!
نسيبه؛تغيرت ملامح وجها من متنرفزه لي كيوت …مسكتله يديه …اسمع هوا ريحة مسهل ره مش سم
نضال:قعد يشوفلها كيف ماسكه يدي
نبيل:السلام ع…..???
نسيبه:شبحت نبيل ونست روحها نزلت يديها بسرعه ?
نبيل:بدا نضرات الخبث علي وجها…شكلي قاطعتكم نزلتو تحت الدروج به مفيش حد
نسيبه:تحشمممت وطلعت بسرعه من الغرفه
مبيل:من ورانا هكي?
نضال:ترا اقلب عليا وجهك
نبيل:??
______________
الساعه 12في الليل
هنادي:طلعت من الدوش وتجفف في شعرها
راويه:هنووو …وصلك مسج ع الڤايبر
هنادي:خذت فونها وقرت المسج
نبيل:مساء الرمان بتردي ولا نقعد سهران؟?
هنادي:منو انت ياخفيف
نبيل:او ميقاد ردت?
هنادي:منو قبل منديرلك بلوك؟
نبيل:حضرتي وجلالتي نبيل زميلك في الشغل
هنادي:اذكرت كيف منضره كيف ميت بضحك …وبدت تكتب ومبتسمه….تفضل كيف نقدر نساعدك؟!
نبيل:نبي نوضحلك 3نقاط لو سمحتي
هنادي:بي استغراب…تفضل؟!
نبيل: .
.
.
انشاء الله يكونو واضحات المره الجايه نوضحلك الفاصله ?
هنادي:ضحكت وسكرت النت بدون مترد عليه .
________________
نبيل:لوح تالفونه ويصب في المكرونه …اففف شكلها متحبش التافهين معش ردت
يزن:ابعتلها زميطه البنات تحب البسيسه
نبيل:ونبي انت ارقد
نضال:تي هيا جعان
نبيل:تي اسكت انت …الزح المكرونه مفهمتش علاش لونها خضرا
نضال:شن حطيت فيها؟!
نبيل:نعناع قلت يعطي الفم ريحه حلوه
نضال:??♂️??♂️??♂️صبرك ياربي معرفتش نلاقيها منكم ولا من امي يلي مكرهتني في عيشيتي
نبيل:القاها من الحلوه يلي قريب نحتلك حوايجك في الغرفه اليوم??
نضال:لوح ع نبيل الريموت….سكر فمك ياكلب مدارت شي
نبيل:ويلي شفته هااا?
يزن:حطت يديها علي يديه…قلتلها ياسر يابنيه?
نضال:ولع دخانه ونبيل ويزن يتسهوكو وميتين بضحك
نسيبه:طول اليوم مسبوها وتفكر في اللقطه البايخه يلي صارتلها مع نضال وتغطي في وجها بي المخذه من القهره ?
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
ثاني يوم:-???
هنادي:لابسه سروال جينز مع كبوط اسود وشنطه وسبيدو ع الرصاصي ووشاح رصاصي وميكب خفيف ❤️.
حطها ياسين قدام المصحه نزلت هنادي وهيا ادور ع مفتاح الدرج من شنطتها وتشوف قدامها نفس المخلوق يلي كل شوي تشوف فيه ?
لبدت هنادي ورا الشجره لين ركب سيارته وطلعت بسرعه لي التاكسي وطلبت منه يلحقه
نسيبه:تتنقل من غرفه لي غرفه زي الخنابه?باش ماتتلاقاش مع نضال ونبيل?
هنادي:نزلت للعماره يلي خشلها ولحقاته شوي شوي لين دخل لي الشقه ….وقفت قدام الشقه يديها يرجفو حلقها جف ونبضات قلبها تتسارع وخايفه لو فعلا يطلع كل شي وهم? طقت ع الباب بضعف ?واستنت حد يفتح…يتبع
هيا قيموها بي الحلقه بنزل حلقه اضافيه