الحلقة 16
استيقظت فى صباح اليوم التالى على صوت هاتفى انها ميرام
شوق:الو يا مرمر
ميرام:الو يا شوقه انا صحيتك من النوم ولا ايه
شوق:لا ابدا يا حبيبتى انا اصلا كنت مفروض اصحى من النوم دلوقتى
خير فيه ايه
ميرام:ابدا بطمن عليكى بس عامله ايه
شوق:تمام الحمد لله وانتى اخبارك ايه واخبار احمد ايه
ميرام:احمد مين
شوق:احمد ابنك
ميرام:انتى خلاص خليتيه ولد وسمتيه كمان
شوق:احساسى بيقولى انه ولد وهتسميه احمد ايه عندك مانع
ميرام:لالالالا ابدا ليكى عليا ياستى لو ولد هسميه احمد خلاص
شوق:ايوه كده ولو بنت حبيبه
ميرام
:طب تصدقى ان عمر هو كمان نفسه يسمى حبيبه
شوق:ههههههه بجد
ميرام:اه والله قالى لو جبتى بنوته هنسميها حبيبه
شوق:خلاص يبقى كدا احنا متفقين فى الاراء
ميرام:اينعم
شوق:هههههههه
ميرام:ها ايه اخبارك مع شريف
شوق:عادى خالص لسه محددناش ميعاد الخطوبه
ميرام:سرعوا فى الامور كدا خلينى افرح بيكى بقى
شوق:حاضر يا ستى بس هو بيفتح الموضوع ده كتير وانا الصراحه مببقاش عارفه اقوله ايه
ميرام:ياستى سيبيها لظروفها مش بعيد تلاقيه بيتصل بيكى دلوقتى وبيقولك على ميعاد الخطوبه
شوق:ههههههههههه مش للدرجادى يعنى على العموم هو قالى انى ابقى اروح اقعد مع مامته شويه وبالمره نتكلم فى
التفاصيل والحاجات ديه ونحدد احنا ميعاد الخطوبه لان هو مش فاضى عنده اليومين دول قضيه مهمه وشغال فيها ليا
ونهار
ميرام:ربنا يعينه بس انتى هتروحى لمامته امتى
شوق:بفكر اروحلها بكره لانى الصراحه حبيتها اووى هروح اقعد معاها اليوم كله
ميرام:ربنا يهديكى يا ستى
شوق:ليه هو انا مجنونه ولا ايه
ميرام:انتى لالالالالالالالا انتى اكتر من مجنونه بكتير
شوق:اه بحسب………. ايه انا اكتر من مجنونه
ميرام:الصراحه اه هههههههه
شوق:ماشى انا هعمل حساب لاحمد بس
ميرام:احمد مين ……..اه افتكرت ههههههههه
شوق:يلا بقى يا رغايه عاوزه حاجه
ميرام:لا يا حبيبتى عايزه سلمتك
شوق:الله يسلمك يلا بلاباى
ميرام:ههههههه سلام يا مطرقعه
شوق:طول عمرى والله
انهيت المكالمه مع ميرام وارتديت
لاذهب الى (الجيم
)
حتى امارس درس (اليوجا
)
واثناء الطريق هاتفنى شريف
شوق:الو يا شريف
شريف:ازيك يا شوقه وحشتينى موت
شوق:وانت كمان
شريف:وانا كمان ايه
شوق:شريف كنت عايز ايه
شريف:يا ساتر عليكى خلاص ياستى كنت عايز اتشوفك
شوق:مش انت الى قولتلى ان عندك قضيه مهمه شغال فيها
شريف:ياستى هفضى من وقتى سا عتين بس واشوفك
شوق:طب انا دلوقتى رايحه الجيم علشان درس اليوجا بتاعى تعالالى على هناك
شريف:اوكى وبالمره اعمل شويه رياضه اصل قعده الكرسى بتشللى ظهرى
شوق:بعد الشر عليك
شريف:ايوه كده احبك وانتى حنينه
شوق:هههههه اقفل لانى سايقه دلوقتى وهستناك فى الجيم
شريف:اوكى بس قوليلى عنوان الجيم ده
شوق:اه العنوان ______خلاص هستناك
شريف:اوكى سلام
شوق:سلام
اغلقت المكالمه مع شريف وذهبت الى الجيم
وجلست لأمارس درس اليوجا واثناء التمرين لم اكن معتدله فى جلستى فأتى مدربى(وائل ) ليصحح لى وضعى
وهنا دخل شريف قاعه اليوجا واتى الى مسرعا
وامسك بأيد وائل
شريف:انت مين انت علشان تحط ايدك عليها
وائل:ايه ده فيه ايه يا استاذ
شريف:انت الى فيه ايه بتحط ايدك عليها بتاع ايه
وائل:هو فيه ايه يا انسه شوق
قلت موجهه كلامى لوائل
شوق:انا اسفه جدا يا كابتن
ثم التفت الى شريف
شوق:شريف ده كابتن وائل المدرب بتاعى وميصحش الى بتعمله ده
شريف:يحط ايده عليكى بتاع ايه
وائل:انت يا استاذ انت لو متكلمتش بصوت واطى هناديلك الامن يخرجوك بره
شريف:اه مهو ده الى ناقص انت مش عارف انت بتكلم مين ولا ايه
انا ابقى خطيبها يا محترم
وائل:وانا مالى خطيبها ولا صاحبها انا كل الى اعرفه انك تتفضل تطلع بره حالا بالزوق
شريف:تصدق انك انسان متربتش وانا بقى الى هربيك
امسكت بيد شريف واخذته مسرعه الى الخارج
وعندما خرجنا من باب الجيم تركت يده وذهبت مسرعه الى سيارتى وانا احاول ان امنع دموعى من ان تنسال على
وجههى
ذهبت شريف الى مسرعه وامسك ب(باب) السياره وقال
شريف:انتى رايحه فين
قلت بغضب ممزوج بصوت عالى بسيط
شوق:لو سمحت يا شريف ابعد عنى
شريف:انتى اتجننتى فيه ايه مالك
شوق:شريف ابعد عنى لو سمحت انا عايزه اروح
شريف:مش هسيبك قبل اما اعرف مالك
خانتنى عينى وبدأت فى البكاء
شوق:عجبك كدا فرجت عليا الجيم كله بسبب حاجه تافهه
شريف:انتى بتسمى انه يحط ايده عليكى حاجه تافهه
شوق:اه يا شريف هو كان بيصححلى قاعدتى فى التمرين والى عملته ده مينفعش
شريف:يعنى هو ده الى مزعلك انى بحبك وبغير عليكى
شوق:شريف انا عايزه اروح بعد اذنك سيبنى
تركنى شريف وركبت انا سيارتى وذهبت الى منزلى مسرعه ودموعى لاتفارق وجههى
ذهبت الى فيلتى وانا دموعى لا تفرق عيونى
وعندما دخلت ارتميت على سريرى
ودخلت فى نوبه من البكاء المستمر
لا اعلم لماذا ابكى
هل ابكى على اسلوبى مع شريف؟
ام انى ابكى على تركه لى؟
ام انى ابكى على احراجى فى الجيم؟
لا اعلم لماذا ابكى
ولكن ما كان يهمنى فى مثل هذا الوقت هو شريف
رغم غضبى منه الا اننى قلقت عليه
ظللت على حالى لفتره من الوقت ثم جففت دموعى وبدلت ملابسى
وجلست فى الشرفه ودموعى تنساب من على وجههى دون ان اشعر
سمعت صوت الباب يدق
جففت دموعى سريعا ثم قلت
شوق:ادخل
الداده:مش هتتغدى يا بنتى
شوق:لا مش جايلى نفس
الداده:ليه بس يا بنتى لازم تاكلى حاجه
قلت بصوت عالى نسبيا
شوق:مش عايزه اكل
الداده:براحتك يا بنتى
شوق:داداه
انا اسفه
وحينها ارتميت على صدر(الداده) وظللت ابكى بشده وهى تحاول تهدئتى
الداده:خلاص يا حبيبتى اهدى بقى تحبى اكلملك ميرام
جففت دموعى حينها واعتدلت فى جلستى
شوق:لا ابدا يا حبيبتى انا كويسه
الداده:طب اجيبلك تاكلى بقى
شوق:علشان خاطرى مش دلوقتى اما اجوع هاكل
الداده:خلاص يا حبيبتى وقت اما تجوعى قوليلى
شوق:ان شاء الله
تركتنى الداده وخرجت
وتركتنى فى بحر دموعى مره اخرى
ولكن اوقفنى هذه المر عن دموعى صوت هاتفى انها ميرام
جففت دموعى سريعا
شوق:الو يا مرمر
ميرام:ازيك يا شوقه ايه ده مال صوتك
شوق:ها لا ابدا اصلى كنت نايمه
ميرام:وانا اتوه عنك لأ شكللك معيطه مالك
شوق:ابدا يا ميرام موضوع كده متشغليش بالك انتى بس
ميرام:وانا لو مشغلتش بالى بيكى هشغله بمين
بدأت حينها فى البكاء
ميرام:لالالا ده الموضوع شكله كبير اوى انا جيالك حالا
اغلقت المكالمه مع ميرام وبعد دقائق معدوده اتت ميرام الى منزلى
وجلسنا سويا فى حديقه منزلى
ميرام:ممكن افهم مالك بقى
لم اجب حينها ولكن كانت دموعى تتكلم
ميرام:اتخنقتى مع شريف
حينها انفجرت فى البكاء اتت الى ميرام واخذتنى بين احضانها
ميرام:اهدى بس كده علشان افهم ايه الموضوع
قصصت لها مادار بينى وين شريف بالتفصيل
ميرام:انتى الى غلطانه يا شوق
شوق:بعد كل الى حكتهولك ده وتقوليلى غلطانه
ميرام:ايوه غلطانه يا شوق بقى تزعلى منه علشان بيغير عليكى يا هبله
شوق:علشان بيغير عليا يفرج عليا الجيم كله كان فيها ايه لو اتكلم بهدوء شويه
ميرام:هههههه والله انتى عبيطه يا بت الغيره دليل على الحب
شوق:ده بيشك فيا
ميرام:مش معنى انه عمل التصرف ده انه بيشك فيكى هو عارف ان ده مجرد مدرب وبس وواثق كمان من كده بس
من كتر حبه ليكى اتصرف بالشكل ده
شوق:يعنى اعمل ايه دلوقتى
ميرام:اتصلى بيه واتأسفيله
شوق:ابدا انتى بتهزرى
ميرام:هتتصلى
شوق:استحاله انتى بتحلمى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
شوق:الو
شريف:الو
شوق:شريف انا عارفه انك زعلان منى بس انا والله مكنش قصدى
شريف:وانا كمان عارف انى ممكن اكون افورت شويه فى تصرفى بس متوقعتش ان ده يدايقك
شوق:خلاص بقى انا اسفه
وكمان يا سيدى انا مش هروح الجيم ده تانى
شريف:وانتى مين قالك انى كنت هخليكى تروحى تانى
شوق:يعنى ايه بقى ان شاء الله لأ انا لو عايزه اروح هروح
شريف:ومين بقى الى هيسمحلك انك تعملى كده
شوق:شريف متسفزنيش
شريف:انتى الى بتستفزينى الاول
شوق\شريف:يووووه
شوق\شريف:ههههههههههههه
شوق:خلاص بقى ده احنا غاويين مشاكل بجد
شريف:هههههههه ماشى يا ستى خلاص بس مفيش جيم برضو
شوق:علم وينفذ يا فندم
شريف:بحبك
احمرت وجنتى خجلا
شوق:وانا كمان
شريف:طب قوليها
شوق:بحبك
شريف:ايوه بقى حنى شويه ده انا قربت اقلب
ديك رومى منك
شوق:هههههههههههه
شريف:اه علفكره ماما عايزه تشوفك علشان تتفقوا على تفاصيل فى الخطوبه بقولها اتفقى معايا وانا هبقى ابلغها قالتى
لأ انا الى هتفق معاها وانت عليك تنفذ وبس
شوق:هههههههههه
شريف:اه اضحكى برحتك مهى حماتك فى صفك
شوق:طب هروح لها امتى
شريف:تحبى بكره
شوق:اوكى بكره الساعه كام
شريف:خليها على المغرب كده
شوق:اوكى
وبعد انتهاء مكالمتى مع شريف ذهبت لاتناول الطعام
واستسلمت لنوم هادىء عميق
بعد ان ابلغت ميرام بالهاتف كل ما دار بينى وبين شريف
استيقظت فى الصباح على صوت عصفورى
اطعمته
وبمرور الوقت اتى ميعاد زيارتى لوالده شريف
ارتديت هذا
وانطلقت بسيارتى الى منزل شريف