الحلقة 18
شوق:بوليس
!!!!!!!
الداده:قومى يا بنتى شوفى فيه ايه
شوق:نازله حالا اهو
الداده:ربنا يستر
نزلت االا الاسفل والقلق يسيطر على حواسى
شوق:خير يا افندم
الضابط:حضرتك انسه شوق احمد عبد القادر
شوق:ايوه يا افندم خير
الضابط:حضرتك مطلوب القبض عليكى
شوق:ايه!!! ممكن افهم ليه؟
الضابط:هتعرفى كل حاجه اما تتفضلى معانا
شوق:طب ممكن اغير هدومى
الضابط:اه براحتك
ثم وجهه كلامه لاحد العساكر
الضابط:خليك معاها
شوق:انا ممكن اجى بعربيتى
الضابط:ينفع بس برضو هنكون وراكى
شوق:الى تشوفه بعد اذنك
صعدت الى غرفتى وارتديت ملابسى ونزلت
لاركب سيارتى وذهبت الى القسم وسياره الشرطه تتبعنى
هاتفت ميرام اثناء الطريق
شوق:الو يا ميرام الحقينى
ميرام:فيه ايه قلقتينى مالك
شوق:انا رايحه القسم دلوقتى مطلوب القبض عليا
ميرام:ايه!!!! انتى بتقولى ايه؟
شوق:زى ما بقولك كدا والله
ميرام:طب ليه
شوق:معرفش قالولى اما اروح هعرف
ميرام:طب انا جيالك
شوق:انا طالعه على قسم
ميرام:انا جيالك حالا اهو
وصلنا الى القسم
ودخلت مع الضابط الى حجرته
شوق:لو سمحت ممكن اعرف انا هنا ليه
الضابط:هتعرفى كل حاجه اما نفتح المحضر
شوق:انا عايزه اعرف انا ايه تهمتى الى تخليكوا تجيبونى من غير اما افهم حاجه كده
الضابط:ارجوكى يبا انسه اهدى علشان نعرف نتفاهم
فى هذه اللحظه دخل احد العساكر
وبيده(كارت) واعطاه للضابط
الضابط:دخله بسرعه يا ابنى
خرج العسكرى وبعد ثوانى معدوده دخل شريف من الباب
الضابط:اهلا اتفضل يا استاذ
شريف:شريف حسين الشربتلى محامى حاضر مع المتهمه
الضابط:غنى عن التعريف اتفضل
شريف:شكرا ممكن اعرف تفاصيل الموقف بالظبط
الضابط:حضرتك الانسه شوق متهمه فى قضيه ارهاب
شريف:ارهاب !!! ممكن حضرتك توضح اكتر
الضابط:شركه السياحه الى بأسم شوق احمد عبد القادر الى فى دبى كان جيلها جروب سياحى وطبعا كأى شركه
سياحه مطلوب انها تكون عامله برنامج سياحى للجروب ده وكمان تكون عامله برنامج امنى كمان
لكن للاسف داخل الاتوبيس الى كان بينقل الجروب ده من مكان لاخر حصل انفجار كبير ادى لاصابه عدد من السياح
وموت عدد اكبر
الحكومه الامارتيه عملت اللازم وبما ان الشركه بأسم شخص مصرى فالقضيه اتحولت لهنا فى مصر
شريف:بس موكلتى مكنتش بتدير الشركه ولا كان ليها صله بالشغل هناك اصلا
الضابط:انا مقدرش اقول حاجه فى الموضوع ده القضيه مبقتش فى ايدى انا بمجرد انى اسلم المتهمه بقت القضيه فى
ايد النيابه
شوق:نيابه
!!!
شريف:متقلقيش اوكى يا حضره الضابط بس ممكن موكلتى تخرج بكفاله النهارده وانا هكتب تعهد على نفسى انها
هتكون هنا بكره الصبح
الضابط:والله الموضوع صعب شويه بس علان حضرتك محامى ليه سمعته انا هوافق بس بشرط تكون هنا قبل
الساعه سبعه الصبح
شريف:وهو كذلك
خرجت انا وشريف من حجره الضابط لاجد ميرام وعمر بأنتظارى خارجه
ذهبنا جميعا الى منزلى
دخلت انا وميرام غرفتى وانا منهاره فى بحر دموعى
وشريف وعمر يجلسان فى الشرفه التى بغرفتى
شوق:انا مش عارفه ايه الى بيحصلى ده انا عملت ايه فى دنيتى علشان يحصلىى كل ده
ميرام:اهدى بس وان شاء الله الموضوع ليه حل
عمر:انت ايه التوقعات من وجهه نظرك يا شريف
شريف:الحقيقه القضيه صعبه والادله كلها ضد شوق بس اكيد ليها حل لازم يكون ليها حل
عمر:طب وتفاصيل القضيه هتعرفها ازاى
شريف:بكره فى النيابه الموضوع هيتوضح اكتر
شوق:انا هتصل بخالتى لازم اعرف هما فين؟
ميرام:موبايلك اهو
اخذت هاتفى من ميرام
وهاتفت خالتى
شوق:يىىى موبايلها مقفغول ياترى حصلهم ايه؟
ميرام:هدى اعصابك كدا بس على اما اقوم اعملك حاجه دافيه تشربيها
تركتنا ميرام وذهبت الى المطبخ
عمر:وانا هقوم اعمل مكالمه للشغل استأذن اجازه بكره
اتى شريف وجلس بجانبى على الاريكه
شوق:شريف هو اانا هيحصلى ايه
شريف:متقلقيش يا حبيبتى ان شاء الله ليها حل
شوق:ازاى بس
شريف:لازم نسبت ان الشركه مش ملكك
شوق:مش هينفع لان الشركه بأسمى
شريف:مهى ديه المشكله ان الشركه بأسمك
شوق:بس انا مسفرتش دبى خالص قبل كدا
شريف:ايه الى يثبت النيابه مش هتحكم على حاجه غير من الادله والاوراق
شوق:الباسبور بتاعى ممكن يكشفوا عليه وهيعرفوا انى مزورتش دبى ولا الامارات اصلا
شريف:الباسبور مش كفايه ما ممكن تكونى هنا بس بتباشرى الاعمال هناك بالتليفون مثلا
شوق:يعنى ملهاش حل يعنى انا ضعت خلاص
شريف:متخافيش طول ما انا جمك وهلقيلها حل ان شاء الله المهم دلوقتى تقومى ترتاحى وتنامى
شوق:وهو انا هيجيلى نوم
شريف:لازم تنامى علشان هعدى عليكى الساعه 6 الصبح علشان ميعاد النيابه
هنا دخلت ميرام
ميرام:خدى بقى اشربى المون الدافى ده يهديلك اعصابك
شوق:ماليش نفس لحاجه
شريف:انا همشى انا وزى ماقولتلك متخافيش لازم هيكون ليها حل
عمر:وانا كمان هروح يا ميرام خليكى معاها انتى النهارده وابقى تعالى الصبح
ميرام:حاضر
ذهب شريف وعمر وجلست انا وميرام نتحدث
شوق:انا خلاص مستقبلى راح مش عارفه اعمل ايه
ميرام:شريف مش هيسيب الموضوع يعدى كدا اكيد ليه حل ان شاء الله
شوق:يارب
استسلمت ميرام للنوم
وانا ظللت انظر الى صوره امى وابكى بشده
حتى اشرقت الشمس وانا مازلت مستيقظه
ذهبت بصحبه شريف الى النيابه
وانا فقدت الامل فى اظهر برائتى
وخصوصا بعد ان قال لنا وكيل النيابه
شريف:حضرتك انا مستعد اجيب مستندات من الباسبور بتاع موكلتى تثبت انها مسافرتش دبى ولا الامارات اصلا
وكيل النيابه:يا استاذ شريف حضرتك محامى كبير وفاهم ان ده مش دليل قاطع على برائتها
شوق :انا يا افندم معرفش اى شىء عن تفاصيل الشغل
وكيل النيابه:احنا بناخد بالاوراق والبراهين معندناش حاجه هنا اسمها صدقنى
هاتيلى اوراق تثبت كده وانا هثبت برائتك
وكمان يا استاذ شريف فيه دليل كبير اوى على ان الانسه شوق احمد كان ليها علاقه بالشغل
شريف:ازاى؟
وكيل النيابه:اما كشفنا على الحساب البنكى الى مسجل بأسم شوق احمد عبد القادر وجدنا انها بيتحولها كل سنه مبلغ
ضخم يوصل ل200 الف جنيه واكتر كمان من شركتها الى فى دبى ومتهيألى ان ده دليل قاطع على انها كانت بتباشر الشغل
هناك وبتقبض كمان ارباح الشركه السنويه
شوق:حضرتك الفلوس ديه فعلا كانت من دبى بس ديه كانت خالتى بتبعتهالى علشان اصرف منها
وكيل النيابه:ممكن اعرف مين الى كان بيدير الشركه
شوق:خالتو وجوزها
وكيل النيابه:اساميهم بعد اذنك
شوق:سميره شوقى البحراوى
وجوزها ماهر عبد الله بس معرفش اسم عالته
وكيل النيابه:مش مشكله
يا محمد
محمد:تمام يا افندم
وكيل النيابه:خد الاسامى ديه اكشفلى عليها وهاتلى ملفاتهم
محمد:اؤامرك يا افندم
وكيل النيابه:بس كده حضرتك هتدفعى كفاله بسيطه وممكن تمشى وتيجى بكره تانى
شريف:اه اكيد يا افندم
انصرفت انا وشريف
وذهبنا الى منزلى ثم تركنى شريف وذهب الى بيته صعدت الى غرفتى لاجد ميرام فى انتظارى
ميرام:ها عملتى ايه طمنينى
يا بنتى انطقى عملتى ايه
قلت بصوت عالى
شوق:اسكتى بقى شويه
ميرام:انا اسفه بعد اذنك انا هنزل اقول للداده تحضر الغدا
شوق :ميرام
ردت ميرام بحزن
ميرام:نعم
شوق:انا اسفه سامحينى
ركضت نحو ميرام وارتميت بين احضانها حتى افرغ بحر الدموع لذى امتلا بداخلى
وميرام تبكى هى الاخرى وتحاول تهدئتى
ميرام:بس بقى خلتينى اعيط وازعل وكده هيبقى غلط على احمد
شوق:هه انا هاخد دش وارتاح شويه يا عالم النهارده فى بيتى بكره هبقى فى السجن
ميرام:انتى ليه اليأس مسيطر عليكى كده خلى املك فى ربنا كبير
بقى ديه شوق الى انا اعرفها ده انتى طول عمرك لمضه ومبتستسلميش بسهوله
شوق:الدنيا ياما بتغير
ميرام:لأ ربنا خلق دنيتنا كدا بس ادانا عقل وقلب علشان نقدر نحارب الزمن ولو كل واحد قبلته مشكله واستسلم وقال
ده قضاء ربنا يبقى مفيش حد هيعيش فى الدنيا
اينعم احنا مش معترضين على قضاء ربنا بس لازم نحاول وربنا مبيرضاش بالظلم وانتى مظلومه
شوق:يارب يا ميرام حاجه تتغير
ميرام:ان شاء الله كل شىء هيتظبط انتى بس كده قومى وروقى وشريف مش هيسيبك ابدا
شوق:حاضر
بمرور الوقت عم المساء وتخلخل الظلام انحاء مدينتى ولكنى تفاجأت باباب يطرق
شوق:ادخل
الداده:شريف تحت وعايزك
شوق:نزلاله حالا
خير يارب
نزلت الى شريف لاجد علامات الفرح والبهجه على وجهه
شوق:خير فى ايه
شريف:لقيت الحل يا شوقه لقيت الحل
شوق:حل ايه
شريف:دليل برائتك يا احلى شوقه فى الدنيا
شوق:شريف اقعد الاول وفهمنى بالراحه
شريف:حاضر يا ستى فاكره يوم خطوبه خالد اخويا ومنى صحبتك
شوق:وده ايه علاقته بالموضوع
شريف:جاوبينى بس فاكراه ولا لأ
شوق:اه فاكراه
شريف:يوميها انتى قولتيلى ان عندك عشرين سنه صح
شوق:اه
شريف:تميتى الواحد وعشرين سنه ولا لسه
شوق:لأ لسه هتمهم الشهر الجاى لأ الى بعده
شريف:الحمد والشكر ليك يارب
شوق:متفهمنى يا شريف
شريف:الشركه ملكك لكن مع ايقاف التنفيذ
شوق:برضو مش فاهمه
شريف:بصى يا ستى الشركه دلوقتى بأسمك لكن انتى الى لسه مبلغتيش السن القانونى الى هو واحد وعشرين سنه
شوق:السن القانونى
!!!!!!!!!
شريف:هفهمك اكتر السن القانونى ده الى هو واحد وعشرين سنه
وده السن الى من عنده تقدرى تمتلكى اى حاجه بأسمك اذا كان ميراث او شركات هتبنيها
شوق:يعنى دلوقتى الشركه ملك لمين بالظبط
شريف:الشركه دلوقتى بأسمك
وملكك لكن لسه مش هتيفى ملكك غير لما تتمى الواحد وعشرين سنه
شوق:اومال مين الى هيتحاسب دلوقتى
شريف:فى الوضع الى زى ده ممكن يعنى يدفعوكى غرامه ماليه او يشمعوا الشركه
لان مفيش صاحب للشركه
شوق:لالا حاول يا شريف تخليهم ميقفلوش الشركه ديه الشركه انت متعرفش بابا تعب فيها ازاى لغايه اما كبرها انا
مستعده ادفع الغرامه الى هما عايزنها
شريف:صدقينى هحاول بس دلوقتى نفرح بس انتى خلاص بقيتى براءه كده هههههههه
شوق:ربنا يخليك ليا
شريف:ايه ده ايه ده ده انا لو كنت اعرف ان القضيه هتخليكى تقولى كلام حلو كده كنت روحت فجرت نفسى فى
الشركه ذات نفسها
شوق:هههههههه
انا هطلع اتصل بميرام افرحها