الحلقة 23
دخلت داخل الشركه بخطوات ثابته
شركه ضخمه وواسعه لا اعلم اين اذهب واين مكتب المسئول هنا سألت احد الموضفين
شوق:لو سمحت يا استاذ
الشخص:ايه سيدتى بتريدى منى شى
شوق:فين مكتب المسئول هنا
الشخص:سيدتك بتريدى مكتب استاذ طارق فى الدور الثالث سيدتى
شوق:طارق مين
الشخص:استاذ طارق مدير الشركه هون
شوق:اه شكرا
صعدت الى الاعلى وانا لا اعلم من طارق
وكيف هو المسئول عن امور الشركه وانا لا اعرفه
صعدت الى الدور الثالث
طرقت الباب
فرد على صوت بالداخل قائلا
الشخص:ادخل
دخلت وانا ادقق النظر فمن يجلس لاكتشف انه طارق ابن خالتى
يالى من غبيه كيف لم اعرفه
شوق:السلام عليكم ازيك يا طارق
نظر لى طارق وتملكته الدهشه
طارق:انتى مين لالالا انتى شوق
ابتسمت ابتسامه صغيره
شوق:ايوه يا سيدى انا شوق
ركض نحوى طارق واحتضننى فبعدته عنى سريعا ونظرت فى الارض خجلا
طارق:انا اسف بس انتى فعلا كنتى وحشانى
شوق:لا ابدا محصلش حاجه
حاولت تغيير زمام الموضوع حتى لا اشعر بالخجل اكثر من ذلك
شوق:هو انت المسئول هنا ولا ايه
طارق:عيب مدام انتى وصلتى بقى ده مكتبك من دلوقتى
نظرت لفخامه المكتب وقوه المنصب فى حد ذاته فأنا مرتبكه كثيرا من تحمل هذه المسئوليه
شعر طارق بمدى ارتباكى
فبادر بالقول
طارق:متقلقيش انا مستعد اعلمك كل حاجه بس انتى تكونى تلميذه نجيبه كدا هه
شوق:ههههه تمام يا افندم
ظللنا نتحدث كثيرا عن احوالى واحواله
شوق:وانت مرتبط ولا لسه مضرب عن الجواز هه
طارق:لأ يا ستى انا لسه مضرب بس غيرت رأى فى اللحظه ديه
نظرت له بأستفهام ثم قلت بمزح
شوق:ومين تعيسه الحظ
طارق:هتعرفيها فى الوقت المناسب ايه ده وبعدين ايه تعيسه الحظ ديه
شوق:ههههه خلاص خلاص سعيده حظ يا سيدى انا دلوقتى مفروض اعمل ايه
طارق:انتى دلوقتى مفروض تيجى معايا على بيت خالتك علشان تستريحى
شوق:لا يا طارق انا عايزاك تشوفلى شقه لوحدى
طارق:انتى بتهزرى يبقى بيت خالتك مفتوح وتباتى فى شقه لوحدك وكمان مينفعش تقعدى فى شقه لوحدك
شوق:ارجوك يا طارق هتشوفلى شقه ولا ادور انا بنفسى
طارق:لالا خلاص من غير التكشيره بتاعتك ديه انا هشوفلك شقه صغنونه كدا وفى مكان امن جمب بيتنا بردو
اكتفيت بأبتسامه صغيره
طارق:بس هتباتى معانا النهارده على ما اشوفلك الشقه
شوق:اذا كان كده ماشى بس ارجوك تشوفهالى بسرعه
طارق:امرك يا ستى بس قوليلى هنا انتى سألتينى اذا كنت مرتبط ولا لأ وانا مسألتكيش
شوق:انا اه كنت مرتبطه بس محصلش نصيب
طارق:احسن
شوق:ايه
طارق:قصدى يعنى معلش
شوق:اةة انا عايزه اعرف ايه النظام هنا اشتغل ازاى وكل حاجه
طارق:حيلك حيلك انتى داخله سخنه ليه كدا انتى النهارده تستريحى وبس انا هخدك واروح البيت علشان خالتك
تشوفك
شوق:طب والشركه هتسيبها لوحدها
طارق:هههههه هى كشك سجاير ديه مجمع كبير وفيه الاف الموظفين
شوق:هههههه ماشى يا سيدى
نزلت وركبت فى سياره طارق
وذهبنا الى منزلهم لاجده فيلا لا بل قصر من اين لهم هذا من مالى ومال ابى
اللهم الهمنى الصواب
دخلت مع طارق الى المنزل وعندما دخلنا
طارق:اتينا اتينا
اتت فتاه تبدو اجنبيه وتلبس لبس الشغالات
اتينا:
hello mr tarek
(اهلا مستر طارق)
طارق:
hello atina where is my mam
(اهلا اتينا اين امى)
اتينا:
in the your room
(داخل غرفتها)
طارق:
ok thank you atina ….pleas finish thecookQuickly
(حسنا شكرا اتينا انتهى من تحضير الطعام سريعا)
طارق:يلا بينا نطلع لخالتك
صعدت بخطوات ليست ثابته كنت مرتبكه لانى قد اهنتها فى الهاتف فكيف لى ان اقابلها الان
طرق طارق الباب فردت خالتى من الداخل
سميره:ادخل
دخل طارق وانا بصحبته
طارق:ماما معايا ليكى مفاجأه شوق رجعت
نهضت خالتى واخذتنى فى احضانها وهذا مما جعل الدهشه تتملكنى فأنا قد اهنتها وجرحتها فى الهاتف كيف لها ان
تعاملنى هكذا
حاولت ازاحه هذه الافكار عن رأسى وبعد التعارف على خالتى وزجها فى الرريسبشن اتت الينا اتينا
اتينا:the cook is finished
(الطعام جاهز)
سميره:
ok…يلا يا ولاد على السفره
كل من فى البيت اصاروا دهشتى كيف لهم ان يعاملونى هكذا وانا طالما اهنتهم لابد من وجود سر ولكنى لا اعلمه
جلسنا حول مائده الطعام واثناء تناولى للطعام رن هاتفى انها ميرام اخذت الهاتف ثم قلت
شوق:بعد اذنكم يا جماعه
وبعدت عنهم قليلا وقمت بمهاتفه ميرام
شوق:الو يا مرمر وحشتينى موووووووووت
ميرام:هههه لحقت وحشتك ده انتى لسه مسافره النهارده يا مجنوونه
شوق:المهم عامله ايه وجوزك المطرقع عامل ايه
ميرام:ههههه قاعد بياكل مشمش
شوق:ايه ده ايه ده ايه التغيير ده مش كان مانجا
ميرام:مهو انا مبقتش اجيب مانجا علشان انا الى بتبهدل فالمشمش اسهل على الاقل البذر بتاعه مبيوسخش الهدوم
اوووى
شوق:هو بيحدفك بالبذر
ميرام:اةةةةةة
شوق:استحمليه اعتبريه زى جوزك يعنى
ميرام:ربنا يصبرنى بقى
سمعت صوت عمر وهو يقول
عمر:قوليلها لو عندهم مانجا فى دبى تبعتلى قد 4 5 كيلو كدا مدام انتى مش راضيه تشتريلى
ميرام:عمر فضلك كلمه معايا كمان وهولع فى نفسى خلاص
شوق:هههههههههه هو انتوا دايما كده بتتكلموا بصوت عالى ليه
ميرام:طنشيه بقى المهم قوليلى عامله ايه وقاعده فين وايه الى حصل كله كله احكى بسرعه
شوق:بس يا رغايه مش هعرف احكيلك دلووقتى استنى بس اما اقعد فى اىحته وهبقى اكلمك على الشات اوك
ميرام:اوك بس طمنينى عليكى من وقت للتانى
شوق:ان شاء الله مع السلامه
ميرام:لا الله الا الله
شوق:محمد رسول الله
عدت اليهم
سميره:اتأخرتى ليه كدا يا حبيبتى يلا اقعدى كملى اكلك
شوق:لأ انا الحمد لله شبعت
طارق:وانا كمان تعالى اما اوريكى اوضتك
صعدت انا وطارق الى الطابق العلوى من هذه الفيلا المبهره
طارق:ديه يا ستى اوضتك ها عجبتك
شوق:اه جميله ميرسى اووى يا طارق انا تعتبتك معايا
طارق:عيب عليكى تعبتى مين تعبك راحه يا ست شوقه
شوق:شوقه انت عرفت شوقه ديه ازاى
طارق:لالالا واضح ان غربتى نستك كتير اوى مش فاكره اما كنا نقعد واحنا عيال صغيره نجيب ورقه وقلم انتى
تكتبيلى اسم دلع ليا وانا اكتبلك اسم دلع ليكى
شوق:اة افتكرت بس بجد انا كنت ناسيه فعلا
طارق:ابقى راجعى معلوماتك ههههههه
انا هسيبك ترتاحى حبه وانزل انا على الشركه اتابع الاخبار
شوق:اوك….. طارق
نظر لى طارق ثانيه
شوق:ياريت تحاول تجبلى الشقه فى اسرع وقت
طارق:لسه مصممه بردو تقعدى لوحدك
شوق:ارجوك يا طارق
طارق:خلاص الى يريحك فى عماره جمبينا هنا فيها شقه فاضيه هشوفهالك
شوق:اوك
طارق:سلام
شوق:سلام
اغلقت الباب ثم جلست على السرير واطلقت تنهيده قويه علها تطفىء ما بداخلى
ياااااااااة يا شريف
كل هذه المده
هل نسيتنى؟
ام انك قد اصابك شىء؟
لالالالا اتمنى ان يكون قد نسينى خيرا من ان يكون قد اصابه مكروه
لا استطيع ان اطمئن عليه
لابد ان انساك كما نسيتنى لابد ان انساك يا
…………حبيبى
نعم حبيبى مهما طال غيابك او طال نسيانك ستظل حبيبى
طردت هذ الافكار عن رأسى وقمت بتشغيل(اللاب توب) الخاص بى حتى اتحدث الى ميرام كم احتاج ان اتحدث
اليها فهى من تسمعنى
فتحت(الشات) لاجد ميرام(اون لاين)
شوق:مرمر
ميرام:ايوه يا شوقه معاكى ها احكى بقى وبطلى رخامه
شوق:انا رخمه ماشى ماشى على العموم انا اصلا الى محتاجه احكيلك
قصصت لميرام ما حدث ليه من لحظه هبوط الطائره حتى هذه اللحظه
ميرام:طب وانتى عايزه تقعدى فى شقه لوحدك ليه مش انتى بتقولى ان كل الى هما فيه ده من فلوس باباكى يعنى
حقك
شوق:هو كده مش هعرف اقعد معاهم فى بيت واحد لانى اصلا مبحبش اقعد اتكلم معاهم
ميرام:بس يابنتى خطر عليكى انك تقعدى فى شقه كبيره لوحدك
شوق:متقلقيش ربنا يسترها
لحظه صمت سادت بينى وبين ميرام
ميرام:ايه ساكته ليه
شوق:ها لا ابدا عادى
ميرام:معرفش عنه حاجه
اندهشت مما قالته ميرام
كيف عرفت انى اريد ان اسأل عن شريف
شوق:هو مين ده
ميرام:الى انتى عايزه تسألى عنه
شوق:انا…هو مين ده…بطلى هزار بقى
ميرام:انا مبهزرش انتى نفسك تتطمنى على شريف بس خلى بالك ان الى انتى فيه ده عقاب من ربنا علشان انتى
ظلمتى انسان ملهوش اى ذمب كل ذنبه انه حبك بجد لكن مع اول غلطه غير مقصوده اتخليتى عنه ورفضتى تسمعيه
تركت ميرام تتحدث الى نفسها وظللت ابكى بشده هل انا من ارتكبت الذنب ام هو؟
هل انا من ظلمته ام هو؟
هل من احد يجيبنى
نظرت الى الشاشه ثانيه لاجد ميرام تكتب
ميرام:انتى فين …شوق ..انتى يا بنتى روحتى فين
شوق:انا معاكى اهو
ميرام:انا اسفه انى بكلمك كده بس ديه هى الحقيقه الى لازم تعرفيها حاولى تكلميه فهميه انك كونتى غلطانه ودلوقتى
فهمتى الصح
شوق:هو ايه ده الى صح بقولك قاعد هو وواحده فى كوفى شوب وعمالين يضحكوا زى ما يكونوا عارفين بعض من
سنين
ميرام:مهو انتى لو كنتى ادتيه فرصه يفهمك مين ديه مكنش كل ده حصل لكن انتى دماغك زى الحجر
شوق:وانتى مالك واثقه فى كلامك ليه كده
ميرام:علشان يوم اما كنتى فى المستشفى حكالى ان الست ديه تبقى واحده كان جياله يرفعلها قضيه على شريكها فى
الشغل فجتله المكتب وهو كان خلاص مروح فقالتله نتقابل فى الكوفى شوب ويكملوا كلمهم
شوق:المطلوب منى انى اصدق صح
ميرام:انتى غريبه اوى
شوق:واحده جياله فى قضيه ويبيضحكوا ليه يقى فهمينى بس
ميرام:هو قالى انها قالت نكته فمن باب الزوق انه يضحك لكن حضرتك لو كنتى ادتيله فصه يفهم حاجه كانت كل
حاجه اتحلت من بدرى
شوق:ميرام انا هقفل معاكى ناو علشان نازله الشغل
ميرام:ارجوكى تفكرى كويس
شوق:حاضر
ميرام:مع السلامه وخلى بالك من نفسك
شوق:سلام
اغلقت(اللاب توب) وجلست ابكى ببطىء
هل انا من اخطأت؟
هل على الاعتذار؟
وان كان على الاعتذار كيف هذا وتى؟
انا لا اعلم متى سأرجع
لا استطيع ان ارجع الان
ماذا افعل؟