الحلقة 27
بعد مرور ثلاث اسابيع من اقامه شريف داخل المستشفى وايضا مرور ثلاث اسابيع من التحقيقات البوليسيه مع
شريف واصدقاؤه واسبوع على خروج ميرام من هنا وذهابها الى منزلها
ذهبت الى الدكتور حتى اطمئن على حاله شريف
اخبرنى بأنه
الدكتور:انا هكتبله تصريح خروج بعد 3 ايام
تهللت اساريرى من الفرحه وذهبت لابلغه على الفور
لاجد الكثير من الناس فى الداخل
خالد ومنى زوجته فقد تزوجا اثناء سفرى
وساره هل تذكرونها ابنه خالته هى وزوجها ايضا
فدخلت فى هدوء تام وانا ارسم على وجههى ابتسامه كتحيه لهم
شوق:السلام عليكم
رد الكل
وعليكم السلام
صفاء:ديه شوق خطيبه شريف متهيألى انك عارفاها يا ساره صح
ساره:اه طبعا عارفاها
قلت محدثه صفاء
شوق:الدكتور قالى ان كلها 3 ايام وشريف يخرج
شريف:بجد
شوق:اه والله بجد
بعد مرور ثلاته ايام بالفعل خرج شريف
ولكن بعد خروجه كانت معظم افعاله مبهمه لا نفهم معناها او ما وراءها
كان دائما يفكر وعلى وجهه علامات الانتقام للمره الاولى اجد شريف يحمل كل هذا الكره تجاه شخص
ارتديت ملابسى فى الصباح وذهبت الى منزله حتى اطمئن على صحته
فتحت لى مديره المنزل
جلست وبعد ثوانى قليله اتت الى امه
صفاء:ازيك يا حبيبتى
شوق:ازيك يا ماما عامله ايه
صفاء:الحمد لله
شوق:هو شريف فين
صفاء:فوق فى اوضته مش عارفه من ساعه اما رجع من المستشفى وهو علطول بيفكر وعصبى حتى معايا
شوق:اكيد فى سبب
صفاء:انا هناديهولك واسيبك معاه شويه يمكن تعرفى ماله
شوق:اوك
صفاء: سناء يا سناء
سناء:ايوه يا مدام تأمرينى بحاجه
صفاء:نادى لاستاذ شريف من فوق وقليله يكلم خطيبته
سناء:حاضر
بعد دقائق نزلت سناء مره اخرى وهى تقول
سناء:نازل ورايا يا مدام
بعد دقائق ايضا نزل شريف وجلس معنا تركتنا امه وصعدت الى الطابق الاعلى
شوق:شريف
نظر لى شريف ثم قال:ام
شوق:مالك
شريف:هتجنن
شوق:طب فهمنى يمكن اقدر اساعدك
شريف:خايف افهمك
شوق:خايف…من ايه
شريف:خايف لسببلك اذى بسببى
شوق:احنا متعاهدين اننا منخبيش حاجه عن بعض
شريف:طب ممكن اطلب منك طلب بس تنفذيه ارجوكى
شوق:على حسب نوع الطلب
شريف:سافرى دبى تانى
شوق:انت بتتخلى عنى تانى
شريف:مين الى قالك كده انا عايزك تكونى فى امان وياريت تاخدى امى معاكى كمان
شوق:ليه كل ده؟
شريف:علشان خاطرى
شوق:حاضر بس مش هتحرك غير لما اعرف انت ناوى على ايه
شريف:انا هفهمك كل حاجه
شريف:هحكيلك كل حاجه
شوق:ها سمعاك
شريف:يوم اما شوفتينى فى الكوفى شوب الى كانت معايا ديه
كانت مجرد شخص عادى جايلى ارفعله قضيه بس المشكله انى مكنتش اعرف ايه هى القضيه ديه او ايه
تفاصيلها
هى فهمتنى انها قضيه على جوزها علشان باع شركتها من غير مايقولها
بعد اما مشيتى انتى من الكافى اعتذرت لها وقولتلها نبقى نكمل كلامنا فى وقت تانى
شوق:كمل
شريف:بعد اسبوع واحد لقيتها جيالى المكتب تانى رحبت بيها وقلت انى هبدأ فعلا فى الشغل
سألتها عن تفاصيل فى القضيه
لقتها بتقولى
ا
انها
ا
نها
شوق:كمل يا شريف ارجوك
شريف:عايزانى ارفع قضيه عن شخص بيحاربها فى السوق
شوق:طب وايه المشكله فى كده
شريف:المشكله انها طلعت بتاجر فى الممنوعات
شوق:ممنوعات ازاى فهمنى
شريف:سلاح شركه كبيره اووى فى بلد غربى الشركه ديه بتدعى انها بتشتغل فى توظيف الاموال لكن شغلتها
الحقيقيه تجاره السلاح وهى زى ما تقولى كده مندوبتهم هنا وبلغوها انها تضمنى ليهم علشان عارف فى
القانون وهفيدهم فى بعض التجارت الى بتدور بينهم وبين بعض الشركات الى زيهم بس فى دول اخرى المشكله
انى لقيت نفسى بتورط فى حاجه زى ديه
رفضت وقولتلها لو مبعدتيش عنى هوديكوا فى داهيه
قالتلى انى قدامى اختياريين لاعمل الى هما عاوزينوا لاموت لانى كده عرفت عنهم كل حاجه وبقى فيه خطر من
نحيتى
شوق:طب وانت ليه مأمنتش نفسك بعد ما سمعت الكلام كده
شريف:مجاش فى بالى انه ممكن يكون بجد او ممكن فعلا يعملوا حاجه لكن دلوقتى اتأكدت انهم ممكن يمحونى
من على وش الدنيا لو موفقتش على الى عايزينه
شوق:بعد الشر عنك :::بس انت ناوى تعمل ايه
شريف:ها لا لسه مش عارف بس نهيتهم على ايدى كل الى طلبوه منك انك تسافرى انتى وماما
شوق:لا انت بتهزر اسافر واسيبك لوحدك
شريف:علشان خاطرى يا حبيبتى انا كده هبقى مطمن اكتر
شوق:قولت لا زى ما كنت جمبك فى فرحك لازم اكون جمبك فى شدتك
شريف:سافرى برضاكى بدل ما اوديكى غصب عنك
شوق:غصب عنى يعنى ايه هتخدرنى وترمينى فى الطياره يعنى
شريف:هههههه ضحكتينى وانا مدايق والله
شوق:برضو مش هسيبك لوحدك
شريف:شوق لو بتحبينى نفذيلى طلبى
شوق:مهو علشان بحبك مش هسيبك
شريف:هتسافرى
شوق:مش هساافر
شريف:قولت هتسافرى
شوق:وانا قولت مش هسافر
شريف:يووووووو بطلى نشوفيه الدماغ ديه
شوق:وانت بطل العند ده
شريف:برضو هتسافرى
شوق:برضو هسافر
شريف:اهى طلعت وافقتى
شوق:لا انت لخبطنى
شريف:شوق
شوق:مش هعرف ابقى قاعده هناك وانا عارفه انك هنا فى خطر
شريف:متقلقيش عليا انا هعرف اأمن نفسى كويس
شوق:مش هقدر والله
شريف:طب ولو قلتلك انى هكلمك كل يوم 3 مرات اطمنك عليا
شوق:خايفه اووى
شريف:متخافيش طول ما انا معاكى
شوق:طب خلاص هسافر
شريف:وخدى ماما معاكى انا هنزل احجزلكوا التذاكر وهتسافروا فى اقرب وقت
شوق:استنى انا هاجى معاك