لم أكن دميمة يوماً 2..بقلم \شيماء علي

الفصل الثامن… الجزء الأول
.
“ياجبل مايهزك ريح ����”…

تأخر والوقت كثيراً ولم يصعد إلي غرفته منذ علم ما اصاب والدته وهو اختفي عن الإنظار تماماً ، ازاحت الغطاء من عليها وهبطت من الفرأش وهي تضع الحجاب علي رأسها، فتحت باب الغرفة وغادرت لتهبط إلى أسفل تبحث عن زوجها الغائب، وبينما هي تهبط الدرج رأت الخادمة الكبيره “صباح” تخرج من مكتب جاسم بحزن وهي تحمل عدة فنجاين علي الحامل، هبطت رقية وإقتربت من “صباح” وهي تضيق عينها بتسائل قائلة :-
-ايه فناجين القهوه دي كلها يادادة؟؟..

تنهدت الخادمة صباح بحزن قائلة :-
-دوول جاسم بيه شربهم..

اتسعت عين رقية بذهول قائلة :-
-أيه جاسم هنا وشرب القهوة دي كلها..!!

اومأت الخادمة برأسها ثم تابعت :-
-مسكين ياحبة عيني عامل زي الطير المدبوح….

اقتربت منها صباح وربتت على كتفها قائلة بهدوء :-
-خشي يابنتي شوفي جوزك، شيلي عنه وخففي عليه..

أومأت رقية رأسها بصمت وهي تنقل بصرها إلي غرفة مكتبه.. أبتسمت الخادمة ورحلت وهي تتحسر علي شباب رب عملها الضائع في حمل الهموم!!..

إبتلعت رقية ريقها وهي تسير نحو المكتب، لتدلف من الباب وتبدأ في السعل بشدة من رائحة الدخان التي تملأ المكتب توقفت قليلاً عن السعل وهي تضع يدها علي فمها من اثر الادخنة المنتشرة في الجو، كان جاسم يجلس خلف مكتبه وهو خالع سترته وفاتح ازرار قميصه الي النهاية ومرتخي في جلسته، ولأول مرة في حياتهما معا تري رقية جاسم وهو يدخن بشراهه، اتجهت نحوه وهي تسعل وجثت علي ركبتيها بجواره، لم يشعر بها مطلقاً وكأنه في عالم اخر, عالم يراقب فيه الادخنة المنبعثة من سيجارته بشرود تام، مدت يدها ووضعتها علي فخذيه قائلة بهدوء لتثير إنتابه:-
-جاسم!!!!..

لم تتلقي منه إجابة حيث وضع السيجارة بين شفتيه بشرود، فتنهدت بيأس وهي تنظر حولها لتجد الكثير من عقب السجائر ملقي بجواره وامامه علي المكتب..كمية لاتعقل بالنسبة إلي شخص لايدخن…

هتفت هي بنزق :-
-إيه ده ياجاسم، ايه السجاير دي كلها انت عاوز تضر نفسك، وانت من امتااا بتشرب سجاير اصلاً ،انا عمري ماشوفتها في إيدك!!

نظر لها نظرة جانبية ثم عاود النظر أمامه بشرود وهو يأخذ نفس من سيجارته:-
-أطلعي نامي يارقية..

رقية وهي تسحب السيجارة من يده وتقوم بإطفائها قائلة بجدية :-
-يعني أيه اطلع أنام، عايزني انام وإنت في الحالة دي! تفتكر هيجيلي نوم اصلاً؟!….

ثم ملست علي وجنتيه بحنان قائلة :-
-مالك ياحبيبي؟؟..

جاسم وهو يحملق في سقف الغرفة قائل بكل ماتحمله الكلمة من معنى :-
-تعبااااااااان..

ثم تابع بألم :-
-ماكنتش اد الأمانة اللي ابويا سابها ليا يارقية،اخويااا ضاع وأمي تعبت ضايعتهم يارقية، أهملت في الأمانة لحد ماضاعوا..

ربت علي كتفه قائلة بهدوء :-
-متقولش كده ده نصيب، وإن شاءالله كل حاجه هتتعدل..

إبتسم قائل بنبرة ساخرة :-
-تتعدل!! اه هتتعدل لما اخويا يموت عشان مش عارف يوصل للسم اللي بيشمه، ولما أمي تموت بحسرتها عليه كل حاجة هتتعدل في حياة جاسم..

اردفت بحزن عليه :-
-بعد الشر عليهم أن شاء الله هيرجعوا احسن من الأول..
.
ازاح يدها بهدوء ونهض من مجلسه وهو يخرج قميصه من بنطاله، فظهر في هيئة مرزية عشوائية غير مرتبة نهضت خلفه رقية قائل بنبرة هادئة :-
-يله ياحبيبي اطلع أستريح شوية..

لم يجيبها بل جلس علي طرف المكتب وهو يفك أساور قميصه، وبعد قليل هتف بنبرة غير مهتمه :-
-سبيني واطلعي يارقية..

رقية بإنفعال :-
-قولتلك مش هسيبك وأنت في الحالة دي!!..

إقتربت منه وهي تحثه على السير قائلة :-
-وهتطلع معاياا دلوقتي يله!!..

تفأجئب به يقبض علي ذراعيها بقوة ثم يزيحها بعنف :-
-قولتلك تتطلعي تنامي، يبقي تتطلعي وانتي ساكته من غير كلام كتير …

تألمت قليلاً وهي تحاول الالتزان ثم وقفت امامه بتحدي قائلة :-
-مش هطلع ياجااااسم ..

اظلمت عينه بغضب وهو يرفع يده في الهواء لتهبط علي وجهها بقوة، اتسعت عينها بصدمة لاتصدق مافعله الإن ،وضعت يدها علي موضع الصفعة وهي تدمع قائلة بإلم :-
-لو ده هيخرجك من الحالة اللي أنت فيها، يبقي اضرب تاااني!!

شعر بوغزة في قلبه، فتنهد بغضب وهو يمسح علي خصلات شعره بضيق، ليمد يده ويجذبها إلى أحضانه ويملس علي ظهرها بحنان قائل بأسف :-
-أسف ياحبيبتي اسف والله ..

سقطت دموعها بغزارة قائلة ببكاء وهي في أحضانه :-
-اول مرة تمد أيدك عليا ياجاسم، بس لو ده هيريحك خلاص…

زاد من عناقها وهو يهتف بألم :-
-واخر مره، يريحني ايه بس ده أنتي وجعتيني أكتر..

حاوطت عنقه قائل ببكاء :-
-هون على نفسك ياحبيبي هون، وانا معاك في كل حاجة..

ثم أخرجت رأسها قائلة وهي تمسح دموعها :-
-يله بقاا اطلع نام واستريح…

إبتسم من بين حزنه قائل :-
-برضه!! مفيش فايدة مصمه أنتي النهاردة…

أبتسمت وهي تهز رأسها بهدوء.. تنهد وهو يفك لها حجابها ويفرد شعرها قائل بحب واحتياج :-
-عارفة أنا محتاج اترمي في حضنك دلوقتي عشان تخففي علياا…

توردت وجنتيها من الخجل، فبعد سنتيمترات وسار وأغلق باب المكتب جيداً، وسحبها من يدها لتتسطح علي الإريكة وهو بجوارها ووضع رأسه علي صدرها لتعانقه هي بيدها الأثنان….

في ظلام الليل، رفع رأسه لينظر في وجهها فوجدها قد غفت، أبتسم وهو يبتعد عنها وينهض ليحملها برفق ويفتح الباب ويسير بها ليصعد الدرج ويدلف إلي غرفتهما، وضعها على الفرأش وجلس بجوارها وشرد بحزن وهو ينظر إلي احشائها، فبداخلها مسئولية جديدة عليه، وضع يده علي أحشائها وهتف بإبتسامه حزينة :-
– ياتري هتيجي تزود عليااا الحمل، ولاهتطلع كويس وتشيل من علياا، ابووك من يوم ماتولد وهو شايل مسئولية غيره..

تنهد بألم :-
-عمري مااشتكيت بس انا محتاج اللي يخفف عليااا دلوقتي، لاني تعبت تعبت اوووي…

*طرق علي الباب ببطء، لتفتح له الممرضة المقيمة مع والدته، ذهلت من هيئته المزريه لكنه هتفت بصوت ناعس :-
-تؤمر بحاجة ياجاسم بيه..

جاسم بنبرة يسودها الحزن :-
-أمي عامله أيه؟؟..

الممرضة بهدوء وهي تنظر إلي الداخل :-
-منامتش عماله تعيط ولا راضية تدوق النوم..

اغمق عينه وفتحها مجدداً وهو يشير إلى الممرضة بالخروج :-
-تقدري تروحي تنامي انتي وانا هفضل معاهاا…

أومأت بالأيجاب وهي تمر بجواره وتغادر..

دلف واغلق الباب خلفه ليسير ببطء وهو يري والدته الممدة علي الفرأش لاحول لها ولاقوة تشيح بوجهها للناحية الأخري وقد تبللت وسادتها من دموعها، ازاح الغطاء وجلس بجوارها ومد أنامله ليمسح دموعها من علي وجهها بعتاب :-
-طول ما انا علي وش الإرض مش عايز اشوف دموعك.. ابويا هيزعل منى كده هيقول اني مش أد الإمانة والمسئولية، ابويااا هيزعل لانك بتعيطي وانا موجود..

حاولت ان تستدير له فوجدت صعوبة في ذالك فقد انعوج فمها وكفها، فزاد بكائها ،نهض من الفرأش وسار للناحية الإخري وتسطح بجواره وهو يقترب إلي حضنهااا قائل بإبتسامه يريد التخفيف عنها رغم معرفته انها مخطئة في تربيتها لحازم :-
-وحشني حضنك اوووي،وهو يعني عشان انا كبرت متحضونيش الفترة دي كلها..

ثم تابع بوجع :-
-أنتي متعرفيش الحضن ده بنحتاجه اد إيه لما نكبر..

شعر بسخونة دموعها علي وجهه فإعتدل وهو يمسح دموعها مجدداً وقبل جبينها قائل بجدية :-
-مش عاوزك تشيلي هم حاجة، ارمي عليا وانا كفيل إني أشيل ارمي عليا ياأمي ماتشيليش..

ثم تابع بألم :-
-متخافيش مش هتهز ، فاكره لما كنتي بتقوليلي انت جبل..

فإبتسم بوجع وبمرارة وربما سخرية قائل :-
-ياجبل مايهزك ريح ����..

أشرقت الشمش لتغمر الأرض ليبدأ الناس في نشاطهم، وفي منزل يمني بعد ذهاب زوجها الي عمله، جلست علي الإريكة لتفتح كتاب الله وتقوم يحفظ ماعليها، ولكنها استمعت إلي قرع الباب نهضت واتجهت نحو الباب وهتفت من خلفه :-
-ميين؟؟..

جاءها صوت جارتها “سهير” قائلة ببكاء :-
-افتحي يايمني انا سهير..

أطمئنت يمني ولكن قلقت وهي تسمع نبرة جارتها الباكية لتفتح الباب سريعاً قائلة بقلق :-
-ايه ياسهير مالك؟؟..

ارتمت سهير في أحضانها قائلة بنبرة مختنقة :-
-بيخوني تاني يايمني!!.

ابعدتها يمني عنها وجذبتها للداخل واغلقت الباب وهي تقول بجدية :-
-اتأكدتي ولا زي كل مرة بتقولي كده عمياني…

اومأت سهير برأسها قائلة بإيجاب :-
-المره دي اتأكدت تليفونه وقع في أيدي عشان اكشفه علي حقيقته..

ثم تابعت بسخط :-
-بقاا الراجل ابقا خادمة ليه ولعياله ويبص بره، اعمل ايه ماهو الواطي واطي..

رمقتها يمني بعتاب قائلة :-
-عيب تقولي علي جوزك كده..

سارت سهير وجلست على الإريكة وهي تلوح بيدها :-
-ياختي كلهم عاوزين الحرق كلهم عينهم زايغه..

ثم تابعت بجدية وهي تمسح دموعها :-
-إلا جمال جوزك الحق يتقال، المنطقه كلها بتحلف بأخلاقه..

ابتسمت يمني وهي تجلس بجوارها قائلة :-
-شوفي ايه اللي ناقصك في بيتك مخلي جوزك يبص بره..

سهير بلهجة متهكمة :-
-ناقصني ايه ده يعلم الله اني بهتم بنفسي وبيتي وعيالي..

ثم تابعت بلهجة ذات مغزى قائلة :-
-وانتي شايفاني زي القمر اهوو اقول للقمر قوم وانا اقعد مكانك..

ابتلعت يمني ماتلمح له “سهير” فإبتسمت قائلة بثقة :-
-ولما انتي جميله كده ايه لما مخلي جوزك يبص بره ،اكيد في حاجة مش لاقيها فيكي غير الجمال..

فتابعت بجدية :-
-وادي قدام عينك جمال جوزي ولا واحدة تملأ عينه ولاقلبه غيري، لاني احنا مفيش بينا حته الجمال، احنا في بينا عشره وحب واحترام واكيد ده اللي مش عندك انتي وجوزك عشان كده بيبص بره…

ظهر التهكم والغيظ علي وجه سهير، فنهضت يمني بأبتسامة خبيثة قائلة :-
-هعمل حاجة ساقعة تروق دمك..

وسارت وهي تبتسم بإنتصار، فرددت لها الصاغ صاغين فهي ليست رقية وليست شهد تسمع اهانتها وتصمت، هي يمني تقف وتتحدي من يقصد إهانتها..

خرجت رقية من الغرفة بوجهها الناعس، لتبحث عن زوجها مرة ثانية وخصوصاً بعد حالته المزرية أمس، وقبل ان تهبط الدرج سمعت باب غرفة مشيرة ينفتح ويخرج منه جاسم نظرت إليه لتجد عينه يظهر عليها التعب الشديد لانه لم يغمض له جفن طوال الليل، اقتربت منه رقية وهي تغلق ازرار قميصه قائلة بعتاب :-
-شكلك مش نايم طول الليل، ماتتعبش نفسك كده ياجاسم..

تنهد بقلة حيلة :-
-اللي في رقبته ناس مايعرفش طعم النوم يارقية..

ابتسمت بحزن وهي تنظر في عينه قائل :-
-ربنا يخليك لينا ياحبيبي..

قبل كفها قائل بجدية :-
-هدخل اجهز عشان اروح الشركة..

رقية بخفوت :-
-ارتاح النهاردة وبلاش شركة..

إبتسم جاسم قائل :-
-ياريته ينفع، ما انا قولتلك ماينفعش حاجة في رقبتي اسيبها ولا ارتاح منها..
قبل أن ينصرف تمسكت به قائلة علي عجالة ورجاء :-
-طب افطر الأول..

ربت علي يدها قائل بهدوء :-
-انا كده كويس متقلقيش…

نظر لها وهو يريد ان يطلب منها شئ ولكن لسانه عجز، كيف له يطلب منها الاعتناء بمن أساءت إليها، فهمت رقية صمته فتحدثت بإبتسامه :-
-متقلقش ماما مشيرة في عيني..

انشرح قلبه ووجها واقترب ووضع قبلة علي جبهتها وإنصرف…

-في مصحة الإدمان..

اقتحم الممرض غرفة الطبيب المعالج وهو يهتف بفزع :-
-الحقنااا يادكتور حازم انتحر…

يتبع….