يا الله
وحدها تريحني
الله
يارب أنا ضعيف و منكسر أوي و محتاجلك
يارب أنا إلي عملت في نفسي كدة و بعدت عن طريقك
رجعت للمستنقع إلي كنت عايش فيه
المستنقع إلي كلة هموم و سعادة كاذبة و شهوات و معاصي و ضلمة
آه والله ضلمة رهيبه مفيهاش بصيص نور
سبت صلاتي و قرْاني
تركت القيام إلي كان أحلي وقت في يومي
كنت زمان بستني الليل من أول ما أصحي من النوم عشان عارف إني هناجيك فية
وأشكيلك و أبكي بين إيدك
و أقولك علي الأسرار إلي مفيش حد يعرفها غيرك
هقولك علي عيوب نفسي إلي أنت أعلم بيها مني
دلوقتي بقيت بستني الليل عشان السهر و الشهوات متحلاش غير فيه
زهقت من نفسي
قلبي بقي حجر
حالة من اللامبالاة مسيطرة عليا في كل حاجه في حياتي
حتي نظام يوم متلخبط و مش عارف أتحرك لأدام
يارب أنا مش حمل عذابك و لا غضبك عليا
مش هتسحمل نظرة غصب واحدة منك تضيعني دنيا و أخرة
يارب أنت كريم و رحيم أوي لدرجة إني بستغرب إنت إزاي سايبني عايش لحد دلوقتي
إزاي بتنعم عليا النعم دي كلها و الجمايل دي كلها و أنا بستخدمها عشان أعصيك
عينيا إلي بتشوف حرام دي مقفلتهاش ليه
إيدي إلي خلقتهالي و حرمت غيري من تحريكها مقطعتهاش ليه
رجلي إلي بروح بيها لكل حاجه تغضبك عليا مكسرتهاش ليه
لأنك رحيم و كريم و حليم
يارب متسبنيش أتوسل إليك
في يوم هروح لحفرة متر في متر
هنزل فيها أكون عاجز عن الحركة و الإختيار و التصرف
يا إلهي متسبش جنودك و ملائكتك يقتصوا مني
إهديني يارب عشان والله ما هستحمل كل دة
أنا أضعف بكتييييييييييير من إني أتحمل ده
يارب أنا دايما بقول مليش غيرك و أنا فعلا كدة والله و كلنا كدة
يارب أنا مش هستحمل و روحي طالعة ليك تقول ( كذب عبدي )
مش هستحمل تلقي بيا في النار و لا تبالي
مش هستحمل ثانية واحدة بس من نار جهنم إلي كايبها 7 مليارات ملك من ملائكتك
يارب د أنا مليش غيرك
متحرمنيش منك أتوسل إليك
يا نفسي ويحك إن وعد الله حق
والله عارف إنة حق
لكني غبي و الله غبي
تركت الراحة و السعادة و الطريق الصحيح للمعيشة الضنك
يا إلهي
يا رحيمي
يا مليكي
يا واسع الرحمة
يا كريم العفو
يا غافر الذنب
عصيتك جاهلا
وجئتك تائبا
ملأ حبك قلبي فطهره
ولم يعد فيه مكان لسواك
ربي إني عبدك الضعيف , الخائف المستجير
إقبلني يارب
و إجعلني من الصالحين و تب عليا مما أنا فيه
أحبك ربي من كل قلبي ولا أريد حبيبا سواك يا حبيبي يا الله