#غيبوبه 1 (المقدمه)
يوم 10/9/2016
هنادي:حاسه بي نفسي وعيت ..فجأه قدرت نسمع الاصوات يلي جنبي ،كأني كنت غارقه في بحر وطلعت منه،حاولت نفتح عيوني مقدرتش حاولت اكتر من مره لين اخيرااا فتحت جفوني بس الرؤيه عندي كانت مضببه
قعدت نحاول نحرك يدي مره واثنين والف لين قدرت نحرك صوابعي شوي شوي ،رمشت عيوني ببطئ اكتر من مره لين اخيرا قدرت نشوف كل شي
كنت راقده وجسمي معلق فيه خيوط في كل مكان حتى فمي كان منضر يخووووف ،منو انا؟شن ندير هنايا ؟وشنو الحاله يلي كنت فيها؟!!وقداش ليا ع السرير هاذا؟….مكنتش مذكره اي شي كأني مولود جديد …..مكنتش عارفه ليش مش قادره نحرك جسمي عادي ،قعدت نشوف لي سقف الغرفه يلي انا فيها بس ،بعد شوي سمعت صوت …ياااااه كأن اول مره نسمع صوت انسان
الممرضه:اففف عارفه اقسم بالله لاكن قالي دكتور انور وراه وراه لين ينحيه من المصحه
الممرضه2:مسكت رجل هنادي وبدت تحرك فيها….ياريت ع الاقل نرتاحو
الممرضه:قعمزت ع الكرسي تشوف في تالفونها والممرضه التانيه ادير في تمارين روتينيه لي هنادي
هنادي:مكنتش قادره نتكلم ،لسااني رزيييييين هلبا مش قادره ندير شي غير فتح عيوني وتحريك صوابع يدي
الممرضه:مكانتش مركزه في وجه هنادي وتابعت تمارينها لي وصلت في يديها
هنادي:ضغطت بشويه ع يد الممرضه
الممرضه:شافت لي وجه هنادي وعيطت بصوت عااااااااالي لما شافت هنادي فاتحه عيونها وطلعت بسرعه من الدار ولحقتها الممرضه التانيه تجري
وماهيه إلا ثواني بس واجتمع الفريق الطبي متع المصحه كاااااامل بقيادة بروفيسور تونسي .
خشو للغرفه وهما في حالة ذهول …جديات هنادي فاقت من الغيبوبه ،بدت الفحوصات ومحاولة التواصل معاها وكانت هنادي تستجيب شوي شوي
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
الصدمه الكبيره كانت في حوش اهل هنادي محدش منهم كان مستوعب معقوله بنتهم فاقت بعد غيبوبه سنتين؟!….معقوله ناضت منها بعد ما خلاص اعتبروها ميته ?كانت معجزه بجديات
ممر المصحه تعبى في دقايق عيله كامله واقفين منتضرين يشوفو هنادي وامها تبكي من الفرحه اخيرا ربي استجاب دعوتها يلي كانت شبه مستحيله ❤️
________________
بدت هنادي تستجيب لكل شي محيط بيها بدي نفسها منتضم ونحو من عليها الاكسجين خلاص تتنفس بروحها …قعدت مع البروفيسور يوم كامل يحاول مع جسمها لين قدرت تحرك رجليها وتقعمز ❤️…ولما لاحظ انها بدت في تحسن خلاها ترتاح وسمح لي اهلها بي الدخول
البروفيسور:معليش لو سمحتم بدور ماتخشوش عليها مع بعضكم
حفصه(امها):انااا انا نبي نخشلها
محمد(بوها):به خشي انتي الاوله
حفصه:خشت لغرفة هنادي بي لهفه علي بنتها ❤️
ونصدمت لما شافتها مقعمزه بدون طوبو في فمها وبدون الف خيط في جسمها زي كل مره فاتت …متحكمتش في اعصابها وبدت تبكي وتحضن فيها
اما هنادي بدت الداكره ترجعلها في لحضااااات ذكرت امها وعيلتها وبدت تبكي حتى هيا بس مش قادره تتكلم بسهوله
خشت العيله كلها للغرفه صرخات فرح علي بكي ودموع فرح برجعة هنادي بعد ما خلاص فقدو فيها الامل .
_________________
هنادي مواليد 93 دكتورة اسنان لاكن خدمة شهور ووقف عندها زوز خوات هديل،اكبر منها وراويه اصغر منها وعندها اخ واحد (يونس)
مواصفاتها عاديه …حنطيه عيونها كبار ونقشها ع الاسود لاكن محلاها ❤️
صاحباتها اثنين بس بنت عمها نسيبه حتى هيا دكتورة اسنان نفس دفعتها وصاحبتها ثانيه ازدهار ،
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
كانت الغرفه زحمممممه خوات هنادي وعمامها ونسيبه بنت عمها كانت في فرحه مش طبيعيه ومرضتش تخلي هنادي نهائيااا
نسيبه:ماسكه يد هنادي بقوووه….كنت عارفه انك رح تفيقي في كل مره نجيك فيها ❤️
كنت كل اسبوع لازم نمر عليك ونقرالك شويك قرآن ونهدرزلك كل شي صاير معاي …كنتي تسمعي فيا؟
هنادي:تبتسم وتضغط شوي ع يد نسيبه
نسيبه:حسيتي بيا صح؟
كميله(ام نسيبه):ياسر يابنت خلي هنادي ترتاح
نسييه:فرحااانه??
راويه:فرحانه اكتر مني انا اختها?
________________
بدت الزحمه تخف شوي مع الساعه 10في الليل وقعد مع هنادي امها ونسيبه بس اما الباقي روحو بدت هنادي تذكر شن صار معاها بزبط .
يوم1/1/2014
هنادي:ركبت السياره ….حبيبي افتح المكيف ع السخون صقع
عبدو:مسك يد هنادي….مرتي الحلوه صقعانه وانا جنبها
هنادي:ابتسمت
عبدو:خلي نحتفلو بي اول سنه زواجنا بعدين نخطمو علي امك
هنادي:ان شاء الله ياعمري
عبدو:بدي يعلي في الموسيقى شوي شوي ويجري
هنادي:تضحك…حبيبي بشويه مطرر
عبدو:يشوف لي هنادي وقرصها في خدها …فجآه تطلع قدامهم سياره تخلي عبدو يشد فرين وتنقلب السياره مرتين ?
حفصه:وين سارحه هنادي؟
هنادي:بدو دموعها ينزلو بدون متحكي وتذكر في تفاصيل عرسها وتفاصيل عبدو وحبهم الكبير .
نسيبه:تمسح في دموع هنادي….خيرك ؟
هنادي:تتكلم بصعوبه…عع بي ع عبدو و ووين؟
حفصه:….يتبع
هاذي مقدمه قصيره عشان نعرف بي الشخصيات وبداية القصه
الحلقه الثانيه يوم الاحد وبعدين بنبدا انزل بي انتضام كل يوم حلقه او اثنين اما بكرا مش رح انزل عشان الناس يلي مقرتهاش اليوم تقراها غضوا
الروايه رح يكون فيها شوية غموض واسرار يالله وروني كم تجيب تفاعل باش نكملها ❤️