#غيبوبه 11
لساعه12في الليل .
طلعت حفصه من جنب هنادي للحمام
طق طق طق
هنادي:تفضل
نفتح الباب
هنادي:انت شن ادير هنايا?
نبيل:المصحه مصحة بوي ونمشي وين منبي ?
هنادي:لبست وشاحها
نبيل:ع فكره شفته شعرك
هنادي:تحشمت
نبيل:زايدك حلاوه ع حلاوتك ?
هنادي:ارتبكت….اءء ليش متعب روحك في شي؟!
نبيل:اي اكيد في شي
هنادي:ان شاء الله خير ؟!
نبيل:اممم …عرفنا يلي حاول يسممك
هنادي:بي استغراب…مني؟!
نبيل:ايه
هنادي:??معقوله توصل بيها لدرجه هاذي
نبيل:اي واكتر …تخافيش تو بوي يدير معاها راي
هنادي:قعدت ساكته
نبيل:قرب ع السرير وعيونه فيهم لمعه…امتى بترحميني عاد؟!!❤️
هنادي:اءء اءء
نبيل:ام….
حفصه:السلام عليكم
نبيل:اعتبري الامور تمام دكتوره والمصحه مصحتك ره المهم متسيبيش الخدمه بس نحنا بحاجتك
هنادي:ضحكت علي كلام نبيل وكيف غير الموضوع بسرعه بعد خشت امها ?
حفصه:بارك الله فيك في ميزان حسناتك
نبيل:سلمك ياحاجه تبو شي؟!
هنادي:بخدود حمر…سلامتك
نبيل:طلع من الغرفه وهوا يغمزلها كل شوي
_________________
نضال:متكي ع الحيط ويستنى في نبيل
نسيبه:فايته من قدامه وعيونها في التالفون
نضال:شن اديري هنايا انتي؟!
نسيبه:اوو ختشيبي
نضال:شن اديري هني الساعه 12
نسيبه:بشويه بيبي معش تعصب خذيت دوام ليلي ع خاطر هنادي
نضال:استفزه اسلوبها….اهاا به مليح
نسيبه:وانت شن ادير هنايا
نضال:نراجي في نبيل
نسيبه:اهااا
جنات(دكتوره):اهلين نضال كيف الحال
نضال:اهلا جنات …الحمد الله شن امورك انتي والعويله
نسيبه :تشوفلهم وهكي كانت تعالير وجها?
جنات:الحمد الله تمام…ان شاء الله خير؟مش عوايدك تجي لي توكت الليل
نضال:م…..
نسيبه:جاي ع خاطري ياروحي عليه يطمن ع خطيبته
جنات:شافت لي نضال..اااه مشاء الله خطبت مره تانيه؟!
نضال:بيتكلم قاطعاته نسيبه
نسيبه:اي متشوفيش فيا دكتوره قد الدنيا واقفه قدام وجهك ؟?
جنات:اءءء اءءء
نضال:سلميلي ع امك وخوتك
جنات:ان شاء الله يوصل عن اذنكم….
نسيبه:اذنك معاك …بصوت واطي…انتلفي مرض يقسم راسك بين اربعه…بعدين شافت لي نضال لقاته يشوفلها وناقر حواجبه
نسيبه:ع فكره مش غيره ولا حاجه طز فيها ياريته حتى فيها منضر وجها محفر اكتر من طريق شارعنا
نضال:شاف لي جيهة اليمين وضحك ضحكه خفيفه
نسيبه:بعد شافت ضحكته يلي تجنن خذت نفس عميييق ?
نضال:امالا شن تسمي يلي درتيه للبنت
نسيبه:وشن درت انا بصاره غير انتم متتحملوش ?ومكنتش نعرف انك متعود ع توكة الليل
نضال:بنت عمي هاذي
نسيبه:حاجت والله كبيره هي بسلامه الدكتور احمد عازمني ع قهوا في مكتبه باي …ومشت
نضال:يشوفلها …وفي شي داخله تحرررك ❤️?
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
نبيل:هي شنو نروحو ؟!
نضال:يدور بعيونه….ها،؟
نبيل:بتروح ولا شني
نضال:اي اكيد ..تعال معاي
نبيل:وين
نضال:تعال واسكت …وخذاه من يده ورفعه
نبيل:اي نلود وراك زي النعجه الرايحه
طق طق طق
الدكتور احمد:تفضل
نضال:السلام عليكم
احمد:وعليكم السلام مضال تفضل
نضال:يتفحص في الغرفه بعيونه…اءء زايد فضلك غير نبيل قال عنده برده شوي
نبيل:اي م….من نبيل?
نضال:ضرب نبيل ع ضهره….ويكح هلبا
نبيل؛احووو احوووو احوووو…اي بكل
احمد:ياساتر ياساتر …تفضل نكشف عليك
نبيل:خش ويهمس لي نضال…كان مركبتكش لي هنيه دكتورة النساء تكشف عليه صحه ياكلب
نضال؛اسكت وخش
نبيل:قعمز يكشف عليه الدكتور ونضال واقف يستنى في نسيبه ويبي يعرف لو كان كلامها صح او غلط !!!
احمد:شن تحس
نبيل:قلبي يادكتور قليبي مكبد في دكتوره هناي اشططططه
احمد:يفحص في نبيل…..هههههه قاعد مسيبتش ها السريب هاذا كان يسمع بوك يفصلك
نبيل:احححح قولي الحل تربح
احمد:انا دكتور مش مستشار علاقات اجتماعيه ??
طق طق طق
نضال:انتبه ع الباب بسرعه
احمد:تفضل
نسيبه:السلام عليكم
نضال؛عاقد حواجبه وتكنطااااا
نسيبه:بدلع….حطت المطهرات….تفضل دكتور يلي طلبته
احمد :صحيتي بارك الله فيك
نسيبه:سلمممك ياربي محتاج شي تاني
احمد:سلامتك
نسيبه:الله يسلمك…وطلعت وهيا تتمايل وتعابير وجها كلها مستفزه
نضال؛وقف شاد روحه لين خلاص معش قدر فتح الباب بي غضب وطلع وراها …..استنننني
نسيبه:وقفت وهيا تضحك وتلفتت…نعم؟
نضال؛بطليها حركات المياعه متعكككك امك وبوك مش حاطينك هنايا باش تصيعي مع الدكاتره في الليل
نسيبه:خايف عليا ع اساس
نضال:سكررررري فمك واسمعي الكلام خير منفسدلك وجهك
نسيبه:لا والله؟!من تسحاب روحك تلعلع علياااا
نضال:حذي نفس عمييق….اللهم طولك ياروح
نسيبه:ابتسمت وضرباته ع كتفه….خلاص عاد اعترف انك طحت في غرامي ?
نضال:اي حبيتك
نسيبه:نصدمت لانها كانت تبصر لا اكتر ….ها؟?
نضال:تعابير وجها جديه…احححم اي زي مسمعتي عادي مش حاجه غلط هاذي
نسيبه:ضحكت ….خلاص عاد بلا تمثيل متعك وانت زي الصخره عمري مشفتك تضحك زي الناس ع اساس قادر تحب يعني
نضال:كلامي مش معاك انتي
نسيبه:امالا مع منو؟!
نضال:سيبها ومشي
نسيبه:نضااااال تعالا هنايا قولي مع منوووو
نضال:مشي بدون ميرد عليها
نبيل:شنو كملت حضرتك
نضال:اي
نبيل:فالح ومخليني داخل يقولي كح وقيم لسانك بنشوف اللوزات يسحابني مزهرية امك متع المكسرات
نضال:هههههه …شني نروحو لي يزن مريض منخلوشي يبات بروحه
نبيل:قام حاجبه…تضحك؟!ومولي حنين …شن القصه؟!
نضال:مفيش قصه اسكت واطلع هيا
نبيل:يشوفله بي نضرات شك
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
هنادي:زهقت بنطلع
نسيبه:ها؟???
هنادي:وين سارحه انتي ؟!
نسيبه:حي عليا ياهنادي
هنادي:شن درتي غبر فييييك
نسيبه:مش مصيبه لاكن حاجه تانيه?
هنادي:شني؟?
نسيبه:شكلي طحت ?
هنادي:وين طحتي ؟صارلك شي ؟
نسيبه:انتي سمموك في عقلك مش بطنك وليتي غبيه بزياده ?
هنادي:تي احككككي
نسيبه:اففف به خلاص بنحكي نضحكي عليا نقتتتلك ومتتفلفسيش عليا
هنادي:به
نبيل:تي ادوي هياااا ليك ساعه اتمتم
يزن:يسخن الراجل خليه
نبيل:????
نضال:ضم فمك خلي نعرف ندوي
نبيل:ابدا هي
نسيبه:نضال
هنادي:خيره؟!
نضال:نسيبه
نبيل:خيرها?؟!
نسيبه:نحس ان منعرفش عاجبني هلبااا
هنادي:نسيبه ونضال??
نضال:علاش مش طالعين ع بعض يعني؟!
نبيل:تي هيا تافها ولسانها طويل وانت عصبي وتخبط كيف بتعيشو مع بعض؟!
هنادي:قصدي مش لبعض بكلللل
نسيبه:عارفه مش زي بعض لاكن هكي عاجبني منعرفش كيف فهمتي
نبيل:امممم عاجباتك
يزن:به طلقها
نبيل:الطلاق يجي بعد الزواج يزن هوا قاعد حتى منطقش بي حبها ?
نضال:تبي الحق قلتلها اليوم
هنادي:شن قاللللك?
نسيبه:قالي حبيتك
نبيل:حبيتك؟!هكي حبيتك طووول ياخفيف
يزن:اي غلط
نبيل:مفروضع الاقل نعجبت بيك انتي حلوه حجات زي هكي
نضال:شن عرفني انا
هنادي:قصدي طوول هكي فقشهالك
نسيبه:شفتي ولا؟….زعما شنو ندير؟!
نبيل:اممم شن ادير؟!
يزن:برا اشري ملابس داخليه
نضال:ونبي ارقد انت في عالم بروحك
نبيل:??
هنادي:توا خليك عاديه وتصرفي معاه زي قبل ولا كأنك سمعتي حاجه
نسيبه:وبعدين؟!
نضال:وبعدين؟!لا امتى بنخلي روحي عادي؟!
نبيل:لين تخليها تحبك حتى هيا بعدين نضم امورك
نضال:امي نافختهم بنخطبلك بنخطبلك
يزن:طلقها
نضال:امي يا يزن امممممي وارقد بالله عليك
هنادي:وخلاص لو جديات يبيك يتصرف بعدين
نسيبه:اففف يصير خير
___________________
رقدت هنادي من التعب اما نسيبه ساهره وكل شويه تشوف نضال فاتح فايبر ولا لا وتراجي يمكن يبعت مسج .
نضال:نفس الحاله حتى هوا ماسك فونه ويراجي ممكن نسيبه تناشبه بي اي رساله زي قبل !
اما نبيل ويزن كل واحد ملوح في تركينه وصايخين بضحك بدون شي يقولو في حجات تافها ويضحكو لين النفس يهرب عليهم .
يزن:قالك مره في واحد عيونه صغار …دخلهم الروضه???
نبيل:هههههههههه ووووه عليا ههههههه
يزن:????
نبيل:ياخذ في نفس…قالك مره في وحده مصريه تقول لؤي مات لؤي مات وين جو سألوها لقوها تبيع في لقيمات لقيمات???
يزن:هههههههههه …
وع الحال هاذا لصبح ونضال دمه محروق من برادتهم وصوت ضحكهم العالي ?
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
ثاني يوم ??
هنادي:كتبولها خروج وتت روحها وطلعت مع نسيبه وامها وخوها
حفصه:بشويه بنتي
هنادي:الحمد الله امي نقدر نمشي عادي
طلعت هنادي وكل حد في المصحه يتحمدلها ع السلامه ❤️وطبعا نبيل اولهم
نسيبه:تساعد في هنادي لين ركبتها السياره وياسين معاها ويتعمد مره مره يلمس في يدها
هنادي:نونو بالله عليك نسيت كيسه كحله في الغرفه جيبيها
نسيبه:اوكي …خشت ووراها ياسين
اما هنادي بعد سكرت باب السياره نزلت المرش وتجي عينها علي عبدو ?كان واقف من بعيد كأنه يراقب فيها عشان يطمن ع صحتها
رجعت سكرت المرش بدون اهتمام
ايه:هههههه جديات؟
الموضفه:اقسم بالله تعرفي
نبيل:طق طق طق…ايه تفضلي معاي
ايه:بفرح…وين
نبيل:مكتب المدير بوي
ايه:بلعت ريقها بخوف …ااه
نبيل:هياا
_____________
نسيبه:سرعت خطوتها بعد عرفت ان ياسين وراها
ياسين:استني نسيبه
نسيبه:معدلتش عليه
ياسين:مسكها من يدها….استني قتلك
نسيبه:شن تبي ؟
ياسين:خلينا نحكو ردي ع تالفونك
نسيبه:لاااااا والف لاااااا معش زي قبل انا تجي تبي نرجعلك ونوافق وزي كل مره تلعب بمشاعري وتمشي
ياسين:اءءء
نسيبه:انت ولا شي بنسبه ليا توااا خواتك خطبولك والبيان السبت الجاي
ياسين:مصدوم
نسيبه:اي عندي علم متنصدمش
نضال:خاش المصحه وشافها كيف معصبه وتكشخ قرب منها….في شي
نسيبه:سكتت وتبلع في ريقها
ياسين:مني انت
نضال:قام حاجبه…انت يلي مني
ياسين:ولد عمها
نضال:وكان يعني ؟!وشاف لي نسيبه…ضايقك؟
نسيبه:اءء لا بس بس سوء تفاهم
ياسين:تي منو انت
نضال:خلاص بري نضمي امورك انتي
نسيبه:هزت براسها ومشت
ياسين:بتدوي انت ولا نتصرف
نضال:يحرك في المكياطه متعه….لا يذكر بشويه
ياسين:متكنطي ع اساس
نضال:طبطب ع كتف نزار…دير بالك ع روحك ….ومشي
روحت نسيبه مع بوها وطول تلوحت رقدت من التعب والسهر في المصحه مع هنادي
اما هنادي روحت دوشت وبدو يستقبلو في العيله يلي جايين يسألو عليها ❤️
ياسين حس بي الاهانه ع الموقف يلي صار وفي نفس الوقت بدت نسيبه محتله تركيزه وعقله وبدي قلبه فيه لهفه غريبه عليها (طبعا هاذت حال الشبابت لما تجري وراه يحطك ع الرف ولما تستحقريه يبدا بيموت عليك مفهمتش السبب )
معمر:دكتوره ايه
ايه:مرتبكه…ااء اها
معمر:هاذا ملف شغلك تام ومعش يشرفنا تخدمي هنايا
ايه:اااااااه?ششششنو
معمر:وبعد تروحي تاخذي حد كبير من عيلتك تمشي برجليك للمركز لان فتحو فيك محضر والا يجو يشحطوك من حوشكم انتي يلي مسممه هنادي وبي الادله
ايه:مش انااااا هاذي رويده والله كله منها?
معمر:الكلام هاذا قوليه في التحقيق….يالله تحركي
________________
#تسريع_في_الاحداث
نسيبه خذت اجازه مع هنادي عشان يتريحو شوي وفي نفس الوقت عشان بيان ياسين ❤️
طبعا نبيل مخلاش هنادي في حالها وكل شوي يهدرز معاها ويضحك فيها لين تعودت عليه وبدي من روتينها اليومي
اما نسيبه كانت ترححححي وقريب تهبل لان نضال معش كلها حتى بي مسج
ونضال:كان بيهبل احرف منها لان حتى الخدمه معش جت وشافها
يوم البيان :-
نسيبه:متوقعت روحي في اليوم هاذا نكون نوتي في روحي عادي ..كأنه مش حب حياتي ولا قريب متت ع خاطره نوتي في روحي بنمشي بيان ولد عمي مش بيان حبيبي ….لبست قفطان اسود سيور وشعرها قصاته لعند كتافها محلاه طلع عليها ❤️ولفاته بتسريحه بسيطه مع مكياج خفيف وروج داكن
هنادي:لبست بدله ورديه وخلت شعرها مستشور ونازل ع ضهرها مع مكياج بسييييط وناعم بارز ملامحها ❤️
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
يزن :منحبش نشري الحوايج انا ?
نضال:يقلب في التيشرت ونبيل يقيس في السروال في المحل??♀️
نبيل:واعره السوريه ?بناخذها
نضال:يشوف في السراويل طاحت عينه ع خطيبته الاولى خاشه المحل
سلمى:خشت تهدرز مع صاحب المحل وتبتسم بعدين عطاها زرف وواضح انه زرف فلوس …خذاته ولما جت بتطلع جت عينها في عين نضال ?
نضال:ضحك بهزوه وهوا يهز في راسه وكمل هوا ونبيل
_____________
رويده:نقولك مدخليش اناااا ليك اسبوع متكلمش فيا
عبدو:اخطيني راهو كارهك اقسم بالله كان مش ع خاطر ولدك راهو مطلقك
رويده:هاذا كله ع خاطر حبيبة القلب العافنه متعككك
عبدو:رويده سكررررررري فمك ومن اليوم غير الولد هاذا معش فيه شي بينا …وطلع
رويده:حذفت البرفان ع طول يدها كسراته
_____________
وصلت هنادي وامها وخواتها ونسيبه وامها وخالة ياسين لي حوش العروسه ❤️
بدت الضيافه وبدو المعازيم كان بيان كبير نوعا ما وواضح ان عائلة العروسه فلوس هلبا
طلعت خطيبة ياسين(العروسه)سلمت علي اهل ياسين وقعمزت في الكوشه …كانت البنت حلوه مش خاطيه لاكن واضح انها شلافطيه
عندها فلوس بس مفيش تنسيق لا في اللبس ولا حتى دوق في الكلام
نسيبه:تبتسم للعروسه وصفت نيتها من داخل خلاص عاد هوا خطب ومشي في حاله ربي يهنيه ❤️
خش ياسين بي البدله متعه ✨فرحان لاكن واضح عليه التوتر وكل شوي يشوف لي نسيبه يلقاها تبتسم وعادي جدا
لبس ياسين الذبله وبدت الزغاريط
نسيبه:للحضه حسيت بحسره صغيره في قلبي …ليش مكنتش مكانها …في نفس الوقت وصلني مسج من نضال مكتوب فيه
نضال:بتريس يابنت مش قادر نتحمل ره بنجي نخطب تبي ولا متبيش سكتلك هلبا
نسيبه:ضحكت وفرحت من وسط خاطري وعرفت ان حلمي نجمه وربي بيعطيني القمر ❤️❤️
_______________
كمل البيان وروحو كلهم فرحانين كانت عيلة هنادي محتاجه فرحه اطلعهم من ذكرياتهم شوي ❤️
واول مروحت هنادي طوووول لتالفون مع نبيل
اما نسيبه حطت صورتها بي القفطان ستوري انستا وكان وجها مش واضح وطووول نضال بعتلها رسالة تهديد
نضال:امسحي الخراااااا خير منقتلك
نسيبه:ع شنو تحكي؟!
نضال:الصوره نسيبه بلا عبط متعك
نسيبه:اها…ليش انت اخطب بعدين احكم والله حاله
نضال:بلا حررررررق دم
نسيبه:به مسحتها تريحت?
نضال:اي
نسيبه:تصبح ع خير
نضال:تعالي جاي
نسيبه:ها
نضال:طالعه زي القمر
نسيبه?????….وبدت الهدرزه
هنادي:بدلت حوايجها ومقعمزين هيا وخواتها وخالتها يشربو في الشاهي وحلويات ويهدرزو ع البيان
طق طق طق
حفصه:جايا بتنوض
هنادي:خليك تو نفتح انا …وناضت
طققققق طق طق
هنادي:جايا…فتحت الباب
رويده:هجمت ع هنادي تخنق فيها وتسكرلها في فمها بلغلللل وحقد…يتبع