((روايه سيدي العزيز))الجزء الثاني

تكملة البارت التاسع ..

صلو على النبي ..

سمو بهدوء واستغراب : ويش عرفك بخالي*

ابتسم بمكر وهو يناظر لساعته بقي ساعتين بس : الله الله صديق ابوي كيف ما اعرفه واللي رمى اختي لعمك ابراهيم*

عكست حاجبها وهي تتراجع لورا كلماته فيها حقد اردفت بخفوت : انت ويش يدور ببالك او ويش تبي وليه تقط خيط وخيط

ابتسم بتمثيل: كل خير ويالله تجهزي عشان نروح لخال زوجتي منتظر اللحظه هذي من سنين وكان ودي والله بعمك ابراهيم بس الله ماراد الا الخال*

سمو سحبت نفسها وهي تفكر ويش يخبي هذا الرجل ويش تنتظر من كارثات معقوله راح تروح لخالها ابتسمت وهي تركض تبي تاخذ عبايتها

بيت فايز*

بهدوء : سمو وينها يافيصل ثلاث ايام البنت مابينت وانتم لاعبين فيني وبـــ هالمنوم البنت وينها*

فيصل : بهدوء وهو مقرر لازم يعرف ابوه : يبا تعرف سندالـــــــــ*

تراجع بصدمه ابو فيصل وكأن الذاكره ترجع له لزمن قد راح وهو يتذكر اشياء بسيطه من ابراهيم

ابراهيم بعصبيه : ياخالد هذا مجنون مجنون يقول لي طلقها ابن 16 سنه خبل هذا*

خالد بهدوء : هو مفكر انت علمت جميله مايدري ان ابوه قال لجميله ان اخوك مجرم وعشان يبعدها عنه

ابراهيم بهدوء : هو مجرم ياخالد

خالد : الله اعلم ياخوك ابوه يقول انو مجرم مادري ويش الدوره اللي دخلها وابوه شك انو مجرم من المسدسات اللي عنده ولس مراهق كيف وهذي المسدسات عنده*

ابراهيم بهدوء : توها البنت مالها لشهر من وقت ما اخذتها وهو راكب راسه الا اطلقها على باله اني انا حرضت اخته عليه*

ابو فيصل بهدوء وهو يبعد الافكار الشينه اللي طلعت له: أي اعرفه خال البنات*

فيصل بهدوء : يبا سنــــد الحين صار زوج سمو*

رفع نظره ابو فيصل بدهشه وذهول ونطق بغضب : انــــــــت تستهبل يافيصــــــل كيـــــف زوجتـــــه*

فيصل : بهدوء : تزوجها بعد ما هددها*

فز ابوفيصل بجنون وصرخ :أيــــــــــــــــش

فيصل بدا يحكي لأبوه من اول شي لآخر شي وهو يحاول فيه يهدا بس ابو فيصل جن جنونه

ابو فيصل بصراخ ورهبه: البنت ضاعت يافيصل البنت ضاعت حسبي الله عليك وانت وينك عنها وين*

فيصل : وهو يحاول يهدي ابوه : يايبا اهدا وهذا اللي صار كله ومعه بنت اخته الست جود

تراجع بصدمه : ويش دخل جود

فيصل : متفقين هي وخالها عليها يبي ينتقم لبنات اخته*

ابو فيصل بنفسه : لااااااااااا والله يبي ينتقم من ابراهيم ومني عشان اخته الله لا بارك الله فيه اردف بخفوت : هو متزوج صح قبل*

فيصل : بهدوء من سؤال ابوه الغريب : لا يبا مو متزوج ما اعتقد الولد باين انو صغير*

ضرب بيدين بعض واردف بعصبيه : أي صغير أي صغير هذا الحين عمره 38 سنه على ما اعتقد ضاعت البنت والله ضاعت قوم فز لازم نروح له قوم*

فيصل : بقهر يايبا ماخليت مكان الا دورت عليه و يبا روح لجود هي الوحيده اللي تعرف مكانه*

جلس ابو فيصل وهو ماسك على راسه هذا يقولوا مجرم يعني بنت اختي ضاعت*

سمو وسند

سمو : بعصبيه يامال العله وين رايحين حنا هذا طريق المطار*

سند : ببتسامه خبيثه : ليه ياروحي شكلك نسيتي شهر العسل*

سمو رفعت نظرها بهدوء : لاااا ياسمو هو بدا يلعب والظاهر لعبته يبيها على نار هاديه ابتسمت بمكر وهي تتكلم بغنج : طيب ياروحي ماتبينا نسلم على خالي وعلى ما اعتقد قلت تبيه انت وحتى ملابس ماعندي*

ابتسم على دلعها وهو نظره في الطريق : الا ياروحي ابيه بس مو الحين راح اخلص شهر عسلنا بخبث وهو يسرق نظرات لها واذا على الملابس الخير واجد نتقضا هناك*

تأففت وهي تناظر فيه يعني يبي يجننها رجعت ظهرها على المرتبه وببالها عجيب امرك ياسمو كانت تركض خلف الانتقام والان هي بوسط الانتقام كانت جزء منه والان هي بوسطه الحين هي رهينه وسجينه من قبل سند والان انا والكبرياء ننهزم بخدعه كنت دائماً احترق لنهايه قصتي مع رعد والان احترق بنار سند ولا ادري اين قصتي ستنتهي في أي زمان ومكان ولكن كان يشغلني جواب لحد الجنون من ذاك اليوم الذي وضع اسمه بأسمي وها هو الجواب يأتيني بعد ايام تنهدت وهي تفكر ويش تسوي عشان تخلص من هذا كله*

بيت عبدالعزيز*

يعني هذي ماراح تطلع بتجلس نايمه عندك لم متى*

فجر ببتسامه : الله عزوز البنت مستحيه ومن امس هنا يعني على الاقل خلها اسبوع اشبك*

عبدالعزيز بطفش وبنفسه : لا والله لم كانت ببيتها اشوفها احسن وبيتي اختفت تأفف وهو يوقف بيروح لشركة سيد سند مسوي لنفسه شهر عسل طاح حظي زوجه و طايره مني*

فجر وهي تشوفه طالع : عزوز وصلني معك الجامعه*

عبد العزيز : رفع نظره لساعه : الساعه تسعه ليه ما داومتي قبل*

ابتسمت وهي تردف : في دكتور يغث مابي احضر درسه الحين علي اختبار*

ابتسم وهو يقول لها انتظرك*

بالجامعه*

وهو يفكر غريب ماجت اليوم ويش فيها أي اياد لا يكون مسويه فيها العروس تبي تجهز ضحك في نفسه وهو يفكر معقوله عشان كذا ولا اثر فيها اخر موقف تأفف وهو ينطق وانا ايش دخلني فيها هذي مجنونه ما تنصدم تنهد وهو شاغله باله لثلاث ايام اللي راحت*

الدكتور الثاني : اياد*

ابتسم اياد : هلا بغيت شي*

ابتسم الدكتور واردف : أي والله بغيت ياخوك ابيك تكون بقاعه ال وانا بروح عندي موعد وانت عطهم هذا خلهم يكتبوه بس وكون بدالي لم ارجع مارااح اطول فترتين اليوم لي*

ابتسم اياد مجامله كان مفكر يروح يضرب بالمخده نومه أليمه بس الأخ خرب عليه والحمدالله انها ماهي موجوده الأخت بالقاعه اذا هي موجوده ماراح يوافق*

بيت مصعب*

جود حبيبتي خلاص انا اسف افتحي يالله ياروحي*

جود فزت وهي تفتح الباب واردفت بزعل : مصعب انا مجنونه*

ابتسم وهو يحضنها ونطق: لاوالله انا اللي مجنون لم تكلمت خلاص ياروحي انسي السالفه حبيبي ويش رايك نغير جو ونروح مكه*

ابتسمت بفرحه وهي تبوس خده : أي ابي اطلع احسني مخنوقه يامصعب ودي الضيقه هذي تروح مني*

ابتسم وهو يخطط كيف يستغل الوضع عشان يوصلو لسمو فيصل دق عليه وعلمه ان ابوه درى قال راح يجي يكلمها ابوفيصل بس رفضت لأن جود حالتها ماتسمح لازم اخذ لها عمره يمكن ربي يهديها وتنطق كل شي عن خالها ووين مكان سمو فآخر مكان مو موجدين فيه وشركتها اللي ماشيه صح الظاهر خالهم هذا وراه ناس ووراه قصه ووراه نفوذ يمشي كل شي وهو جالس مكانه

بيت فيصل*

ابعد ثوبه وهو يتمدد على الكرسي بهدوء ومية فكره بباله رفع نظره لها واردف : خير ناسيه شي بوجهي*

ابتسمت وهي تقرب منه وتحضنه*

ابعد ايديها وهو يتأفف*

حست نفسها محطمه فهي اكثر ما يخفيها ان تخسر فيصل فهو الصديق والحبيب والزوج هو الوحيد الذي ابعد حزني وألمي وخوفي وهو اللي اعطاني قيمه لنفسي ابيه يهتم بي زي قبل ابي كلمات الحب فيصل من يوم اخذني وهو لم يتعد الخطوط الحمراء رغم اني ارخيتها من اجله وهذا الصد اللي دفعني للجنون نحوه تمنيت ان يكون اول رجل بحياتي هو ومن اول تجربه لي بزواجي الاول اخذت نتيجه فراغ بقلبي ولكن فيصل هذا الفراغ سكن فيه هو ولكن للاسف حقيقة متعبة كالأرق تتعبني دائما وهو يبعد مني صرت خايفه بأي وقت يقول لي اطلعي من حياتي غمضت عيونها وهي تحضنه بقوه اللي خل فيصل يصرخ عليها*

فيصل بجنون : هبــــــــــــــه ابعدي*

فزت وهي تتباعد واردفت بزعل : قول ماتبيني وانتهى ليه تسوي هذا كله*

فيصل بجنون من زعلها : لاااااااااا ياشيخه ماخذه دور المظلومه هبه ماني طايق اشوف وجهك*

هبه فزت وهي تقرب منه بجنون واردفت وهي مقهوره : يعني اخذ اغراضي واروح يافيصل*

لف وجهه للجهه الثانيه وهو مطنشها*

حضنت اديها ببعض ونطقت وشفايفها ترتجف : يعني ماتبيني اروح*

تأفف وهو يستغفر فز يبي يبعد عن كل شي لبس ثوبه وهو يطلع تاركها خلفه ولا عطاها رد*

غرفه فايــــــــــز

فايز بهدوء : وهذا اللي صار*

نجد انفجرت تبكي : ياويل حالي على بنت عمي ضاعت*

فايز بهدوء : خلاص يانجد وبعدين خالك مستحيل يسوي فيها شي هي بالنهايه مره*

نجد وهي تمسح دموعها : بلاك ماتعرفه يافايز هذا مجرم عارف شنو مجرم*

فايز رفع نظره لها وهو يفكر بكلام فيصل معقوله مو مجرم وبنات اخته مفكرينه مجرم صمت وهو ماعنده رد*

بالجــــــــامعه*

كانت هاديه ولا رد غير العاده استغربت ليه اياد ماخذ فتره الدكتور طنشت وهي ترجع ظهرها للكرسي بتعب*

اياد : اللي خلص يعطيني اسمه عشان اعطي الدكتورعلي خبر*

كل وحده عطته اسمها اللي كتبو واللي ماكتبو ماتكلمو اردفت بتعب وهي تنطق اسمها بهدوء وسط استغراب اياد وهو يكلم نفسه معقوله هنا ولا قالت شي ولا تكلمت اشبها معقوله بها شي تأفف وهو يبي يبعدها من باله بس اليوم من الصباح وهي بفكره وقف وهو يهم بالخروج من بعد ساعتين دق الجوال على عبدالعزيز وهو يقول له ابي اخذ فجر نتغداء برا ورفض عبدالعزيز بس اياد رد بكلمه زوجتي وهو يبي يعرف ايش فيها يمكن قررت تتركه حس بوخز بقلبه وهو مو عارف ايش الاحساس اللي لاعب فيه من ثلاث ايام اللي راحت*

بالطياره*

سمو بمكر ودلع : سوسو*

التفت سند يمين ويسار واردف باستغراب : مين سوسو*

سمو وهي تحرك رموشها : انت يا لوحي*

سند وهو فها فيها بقرف : لوحي طلعت روحك وحطبه رجيتك لا عاد تتدلعي*

كتمت ضحكتها على معالم وجهه :اشبك مو تقول شهر عسل خلني اتعلم لي كلمتين يادلبي*

سند بمكر : لا ماشاءالله عليك لك سوابق مع رعد مدرسه انتي*

قربت منه بخفوت : أي حتى انت معك بكالوريوس*

ابتسم بخفوت وهو يقرب منها اكثر : أي وراح اعلمك اول مانوصل للفندق*

تراجعت بسرعه وهي تخزه*

نطق : لاااا ياسموتي لاتقولي خفتي هههههه*

سمو : وهي تتثاوب بتمثيل واردفت بمكر : لا لا ماخفت خاف على نفسك مني ابي انام سلام وغمضت عيونها*

ابتسم وهو يرجع ظهره لورا كان مقرر يجنننها وتوقع تسوي له سالفه بعد ماقال لها بروح لخالك وهو بس مقصده يجننها والظاهر هي راح تجنننك مافي أي رد فعل لو وحده ثانيه كان قومة الدنيا وقعدتها كل التخطيط خرب ابي اقهرها قهرتني تأفف وهو يفكر بشي جديد يجننها فيه راح نوصل لتايلندا وراح اطلع ابداعاتي غمض عيونه وهو يخطط فز بقوه وهو يحس قلبه وصل للقاع من الصرخه اللي بأذنه ناظر فيها بشراسه*

سمو : غمضت عيونها وهي تفكر فتحت عين وانا اشوفه يغمض عيونه قربت من اذونه بخبث طاغي عليها وصرخت خليته يفز مت ضحك على شكله اختبص هههههههههههههههههههههههههههههه

سند : وهو يتلفت معقوله ما احد سمعها وبقهر سحبها بقوه من عبايتها : وربي لا اطلعها من عيونك هالصرخه

سمو : شوي وادخل بخشمه ههههه اردفت : ابي عصير مانجو*

سند بقهر وهو لسا ساحبها من عبايتها : لااااااااااا

سمو رفعت عيونها واردفت بخفوت وهي تقرب منه : والله اصرخ وخليهم يسحبوا الستاره هذي مسوي فيها رجل اعمال ونمبر ون ماخذ*

سند: بهدوء اردف :نفس واحد ماراح يصير فيك خير*

سمو بدلع وهي تنطق وترفع ايديها : واحد اثنين ثا*

سند : التفت بهدوء وغضب كتمه بقلبه وهو ينطق ينادي على المضيفه : لو سمحتي ابي عصير مانجو*

سمو بمكر وهي تقرب منه : شطور ورجعت ظهرها لورا

فز وهو يبي يطلع يبي دوره المياه اكرم القارئ وقف قبال المرايه وهو ياخذ نفس ويشد ايده يبي يهدا يبي بس يهدا كيف قدر يمسك اعصابه وهو معروف اعصابه تفلت والله ياسمو لا اطلعها من عيونك الحركه الوسخه يحس بالاشمأزاز منها لا استطيع الانتظار ولما اقبل الاستماع اليها يخالدني جنون ان جلست بجنبها ستبكين ياسمو مثل الطفله سأصفعك وسوف اجننك ستكوني ضحية وجع لا تعرفي سند فلديه قلب اشد صلابة من الصخور فرغم من الانفجار الذي يولد داخله فــ هناك يوجد هدوء ولكن هي ترفض الاستسلام وسيستمر عنادها انها الصامده امام هجومه وامام سكوته انها الاعصار بذاته مالذي يزعجني اكثر اهي بجانبي اهذا اللي ابيه ليه منزعج انت تبي تبعدها من بنات اختك تنهد وهو يردف بخفوت : كم يلزمني من القوة والصبر ومن البروود لأوهمها ان تنهده وهو يبعد افكاره اللي سيطرت على عقله لازم يكون معها ابرد من الثلج ولا راح تطلع له قرووون*

بالجامعه*

واقف برا منتظرها ناد بأسمها وطلع رفع عيونها وهو اليوم مقرر يتفاهم معها بهدوء حركات الاطفال اليوم مايبيها وواضح عليها اليوم هاديه ابتسم وهو يشوفها تركب السياره على بالها السايق دق عليه وقال له خذ سيارتي اردفت بهدوء : السواق وانا مدري تعالي قدام*

رفعت نظرها بصدمه ويش جابه هذا بسيارتي بس ماردت عليه نزلت بهدوء وهي تركب قدام وضلت صامته*

اياد : تأفف وهو مو عاجبه الوضع ويش فيها حرك السياره وهو يشغل القران بصوت ماهر المعيقلي مرت دقايق وهو حس بتنهيده طويله حب يرفع ضغطها شوي اردف : خير الاخت متضايقه عشاني معها*

فجر ناظرت فيه ونزلت راسها*

اياد بغضب : لا حبيبتي الدور هذا مايمشي معي خير وين لسانك ليكون انبلع*

فجر بهدوء نطقت : اياد والله تعبانه*

صمت وهو يستغفر اشبها البنت ماهي طبيعيه وهي تموت اذا مارفعت ضغطي تأفف وهو يشد بالسواقه وماهي الا نص ساعه الا هم يوصلو المطعم*

فجر رفعت نظرها ناظرت فيه : وين رايحين ابي البيت اقول لك تعبانه*

اياد وهو مطنشها : انزلي بنتغداء واروح فيك ولا تخافين كلمة عزوز انزلي يالله*

فجر : نزلت بهدوء وهي مستغربه اشبه هي مقرره انو راح تكلمو عن اخر موضوع اللي قالو لها انهم مايناسبو بعض ابتسمت وهي تبعد كلام شوشو وهي تقول لها علقيه فيك ويش اعلق هذا كارهني ياشوشو كارهني*

دخلو المطعم وهو يدخلها غرفه خاصه للاكل وهو راح يطلب وماهي الا دقايق وهو يقرب من الكرسي ويسحبه ويجلس بهدوء ناظر فيها وهي حجابها على وجهها اردف بهدوء : ابعدي النقاب اخذت غرفه عشان تاخذي راحتك بالاكل*

فجر بهدوء وهي تسحب النقاب من على وجهها وضلت صامته*

اياد تأفف من برود فجر وصمتها ويش اللي تسويه اردف بعصبيه : ويش معنا يافجر ويش الحركات هذي*

فجر رفعت نظرها له ونطقت : أي حركات*

اياد : سكوتك اللي فجأة طغى عليك*

فجر بهدوء : ان تكلمت ماعجبك وان سكت الظاهر مو عاجبك ويش تبيني اسوي*

اياد ببتسامه: زين تسمعي الكلام شكل حركاتك غيرتيها عشاني*

ابتسمت وهي تردف : انت اخر مره قلت ان انا وانت مانناسب بعض مودك غير مودي*

نظر باندهاش وذهول نطق بهدوء : ويش الطاري وزواجنا اللي مابقي له الا ايام قليله

ضحكت فجر : زواجنا او حفله بسيطه وتاخذني كأني منبوذه عن أي زواج تتكلم وانت بنفسك قلت لي ننفصل الحين اشوفك طبيعي زواج كامل والانفصال ايش وضعه نسيته تبخر طار بالهواء

تراجع بصدمه اهذا ماتفكر فيه معها حق يا اياد انت هنتها وآلمتها فجر بريئة وانا صدمتها بردي هو ايضا لم يعد يعلم حقيقة مشاعره تجاها باتت مشاعره تسرقه لفجر لم يشعر بها من قبل لكن هو الان يبي يعلم من مشاعره تجاه فجر يحس بصراع داخله تبادل الحب يعتبر سعاده وان تجد لنفسك قلب يحبك لا يسكنه سواك الحب يعني ارتباط صداقه الراحه النفسيه وزوجه عاشقه وان تكون معها الامان الذي لا يفرض عليك ويقبل بك بكل مافيك وفعلا لم يكون معها يحس انو على طبيعته اردف بتهور وجنون : فجر انا احبــــــــــك

ابو فيصل : يابوك قوم خلنا نشوف يمكن نلقى شي عن بنت اختي بتضيع لو جلست كذا نروح نبلغ عليه*

فيصل بضحك قهر : نبلغ يبا هذا وراه احد مين الله العالم يبا سمو رافضه تعطيني أي شي عنها اخر مره قالت تبيني اساعدها وبعدها جوالها تقفل والحارس يقول راحو شهر عسل*

ضرب بيدينه ببعض بغضب : يالله يالله*

فيصل وهو يفز لأبوه اللي التعب بدا يوضح عليه : يبا الله يرضا عليك يايبا اهدا توك طالع من المستشفى*

كانت تناظرهم من بعيد وهي ترتجف برهبه ياربي ويش سويت انا ليتني ماتكلمت ولا تدخلت ياربي من لي غيرهم لو يدري اني وصلت كل شي عنها راح اضيع فزت تركض لغرفتها بخوف وهي منتظره فيصل بأي وقت ينهيها

بالمطعم*

صارت ترمش بعيونها بعدم استيعاب : شنو قلت*

حرك وجهه للجهة الثانية وهو يسب بنفسه الحين راح تتشمت فيني اردف بدون مبالاه : اللي قلت لك عليه وهو مايبي ينطق*

ابتسمت بمكر : شنو ماسمعت*

اياد ببتسامه وهو يقرب منها والحاجز الطاوله اللي بنصهم : ا ح ب ك*

صرخت بجنون وهي تفز فوق الطاوله اللي خل اياد ينذهل من جنونها فز بغضب : اهجدي لا بارك الله في شيطانك*

تراجعت بضحكه وهي تقرب منه وبطريقه مضحكه : ايودي عيدها تكفى*

ضرب بيدينه ببعض : لا حول ولا قوه الا بالله وش هببت انا*

مر اليوم بهدوء

تايلنــــــــــد

وصلو الفندق*

رمى نفسه على الكنبه وهو يتنهد بوجع*

سمو وهي تستغرق النظر يدهشني احيانا قدرته على ان يكون شخص ودود للغايه وشرس في الوقت ذاته وعيناه كيف تتسم ورجولته في قمة القوة أشعر بالخوف أحيانا من قسوته ومن حنيته التي تذهلني وتربكني فانا اكره الحنيه تأملته بصمت ربما شعر بما يدور ببالي فقطع الصمت بتنهيده ابتسمت واردفت : ويش التنهيده هذي اللي يشوفك يقول عاشق تركته حبيبته بمنتصف الطريق وهي تحرك ايدها بسخريه*

رفع راسه لها واردف بخفوت : اقول ماتبي تنامي وتبعدي هالعبايه اللي يشوفك خايفه احد يسرقها منك*

سحبت حجابها وبعدت عبايتها وهي تفك شعرها طاح لم وصل لخصرها صارت تحرك خصلات شعرها بطريقه فيضاوي تحس بصداع يخترق راسها الحين تحتاج دش ونوم*

سند : صمت لثواني وهو يستغرق النظر لها يا لسخرية القدر هربت من بلدان من اجل الحب فانا لا أأومن به لدي القدرة لأندفع في أي علاقه حب كان فقط اريد طفل تزوجت ليكون لدي طفل فقط طفل يشيل اسمي وتلك الفترة المشؤومة من حياتي فقدت كل شي تمنيت في تلك الفتره اني رجل لايعرف أي شي عن الحياه ولكن بعد كل هذا لم اتغير بقيت انا خرج من ثرثرته وهو ساهي فيها*
حاول يلف عيونه عنها عليه ان يبتعد او يتحرك لأي مكان يكاد يقسم انها انثى ليست كباقي النساء*
لا يمكن تجنبها*
او تعريفك*
او تصنيفك*
او تصويرها
كباقي النساء*
انتي فراشة*
خـــرافيـــة*
اخبروني بأنها*
حسنـــــــــــاء*
اخبروني انها*
لها عينين سبحان المعبود
فمها مرسوم كالعنقود*
ضحكتها موسيقى وورود
وقف وهو يخطي خطواته لها وهو ناسي نفسه فهو رجل يقارب الاربعين وقباله انثى تنفجر منها الانوثه اردف بخفوت : سمو*
سمو التفت برعب وصرخت بجنون بخوف : سنــــــــــــــــــد*
نطت فوق الكنبه وهي تشوف صرصور : يمممممممممممه*

صحى من مشاعره المتضاربه على صراخها خلته يفز بجنبها وصرخ : وجـــــــــــــع اشبك*

سحبت ايده وهما اثنينهم فوق الكنبه : صرصووووور يمممممممممه هه ههه

التفت للجه اللي تأشر عليها وهو ينزل من الكنبه وهو ياخذ الفراشه وصار يقلدها : صرصور صرصور ي وهو يرجع لطبيعته فراشه يامال العله*

سمو بهدوء وهي تناظر فيه وتنحت : احم اللي هو ابعدها*

ناظر فيها بمكر : وبعدين انتي تخافي ياشيخه انتي المفروض اخاف على نفسي منك*

ابتسمت بخبث وهي تقرب منه : اهم شي انت عارف انك تخاف مني*

لقط خبث كلامها مد ايده وهو يقبض من عند خصرها بقوه رفع عيونه لها لديها عينين معذبتين ونظرات التحدي التي يراها صار يهز راسه بحيرة منها حس دقات قلبه ترتعش من قربها وداخل عقله يردد ماكره وهو يبي يفقدها اعصابها بس الظاهر انا اللي راح افقد اعصابي من قربها قرب منها بس رنت الجرس قطعت عليه ما سيبدا فيه تراجع وسط نظراتها المستغربه فهي ما بينت أي ردت فعل

فتح الباب ببطء وببتسامه بس اللي واقفه خلته يتجمد مكانه وتجمدت ايديه على مقبض الباب وهو يستوعب معقوله هنا غمض عينيه وهو يبي يتأكد من هواجس المجنونه فتح عيونه بسرعه ليتبين انها حقيقه لم يكن هاجس اردف بخفوت : ويش جابها هذي*

الطرف الثاني

صرخت بجنون ولهفه وشوق : سنـــــــــــد*

إلـــــــــــــى الملتقـــــــــــــــــــــــــــــــــى ..

ولا تنسو أن تنيروا صفحتي بردودكم العطرة التي تزين روايتي وتنيرها ..

ودمتـــــــــــــــــــــــــــــــــــم ..