الحلقة 3
ولكنى رأيته نعم انه شريف يا الهى انه يقترب على ماذا افعل الان
ظللت واقفه وعرقى يتساقط من على جبهتى وانا امسحه بسرعه حتى افاقنى صوته وهو يقول
شريف:انسه شوق صح
التقط انفاسى لاستعد للاجابه
شوق:احم احم اه انا وحضرتك استاذ شريف صح
شريف:ايوه صح انتى تقربى لخالد ولا لمنى(دول العرسان)
شوقكانا زميله منى فى الكليه
شريف:يعنى انتى عندك عشرين سنه
قلت بعدم فهم
شوق:عرفت منين؟
شريف:مش بتقولى انك مع منى فى الكليه يبقى انتى فى سنها صح
شوق:على كده انت تعرف منى كويس
شيف:هو العريس اعرفه معرفه سطحيه كده يبقى اخويا
شوق:انت بتتكلم بجد
شريف:اه والله خالد يبقى اخويا الكبير
هنا تحدثت ميرام
ميرام:ايه يا شوق مش تعرفينا
شوق:اسفه ديه ميرام تعتبر اكتر من اختى وده استاذ شريف ال00000
وقبل ان اتكلم قاطعتنى ميرام قائله
ميرام:شريف بتاع المطره
حينها ركلت ميرام فى قدميها
ميرام:اةةة اقصد ان انت الى شوق ولا انت الى خبط لالالا شوق هى الى يووووو انا
قاطعها شريف:هههههه متحيريش نفسك انا الى قبلت انسه شوق امبارح
ميرام:برافووو هو ده الى انا كنت عايزه اقوله بالظبط
شريف:طب عن اذنكم دقيقه واحده
قلت انا وميرام:اتفضل
ميرام:هو ده شريف
شوق:ايوه
ميرام:لأ فعلا الواد يستاهل ده قمرر
شوق:بت اتلمى واسكتى
ميرام:خلاص خلاص انا هعمل جوله فى المكان ده وارجعلك
شوق:رايحه فين خليكى معايا انا معرفش حد هنا
ميرام:لالالا انا هروقلك الجو مع شرشر(دلع شريف يعنى)
شوق:خدى هنا ميرام يا ميرام
ولكن هيهات فقد غادرت ميرام الميكان وذهبت لتتجول فى هذا المكان الرائع
ظللت واقفه حتى اتانى شريف مره اخرى
شريف:اتأخرت عليكى
تعجبت كثيرا من هذا السؤال
شوق:ها لا ابدا
شريف:انتى هتفضلى واقف هنا كتير
شوق:انا معرفش حد هنا غير ميرام وهى سابتنى ومشيت
شريف:احسن احم احم اقصد طب انا ممكن اتمشى معاكى شويه لو معندكيش مانع يعنى
ارتبكت كثيرا ولكنى ايضا احسست بالفرحه
فبادرت بالقول
شوق:اه اوكى معنديش مانع
مشيت انا وشريف حتى نتجول فى هذه الحديقه الجميله تحت نغمات الكمان
شريف:انتى عايشه لوحدك
شوق:يعنى
شريف:مش فاهم؟
شوق:يعنى انا عايشه لوحدى غصب عنى مش بمزاجى
شريف:هههه هو لغز فهمينى بالراحه خالص
شوق:حاضر انا بابا وماما متوفين وانا عندى 18 سنه وسابولى املاك كتير بس كلها فى دبى
ولان بابا معندوش اخوات وانا الوريثه الشرعيه خالتى وجوزها وابنهم سافروا هما هناك وبيديروا الاملاك ديه
وبيبعتولى كل سنه مبلغ كبير الحمد لله وعايشه لوحدى مع الداداه الى مربيانى بس يا سيدى
شريف:انتى طيبه اوى
يا الهى كم انا اكاد ان اسقط من هذه الكلمات الرقيقه التى تعتبر اول مره اسمعها فى حياتى
شوق:ميرسى
شريف:وانا بقى خريج كليه حقوق وعندى مكتب محاماه مشهور شويه بس مش اوى يعنى بس بابا الله يرحمه هو
الى خلى ليا شهره لانه هو كمان كان محامى فكان بيبتلى قضايا كتير وبعد اما اتوفى كل الناس الى كانت بتتعامل معاه
بقت بتتعامل معايا وملياش غير اخويا الكبير خالد وماما
شوق:ربنا يخليهملك
وهنا اتت ميرام
ميرام:ايه يا بنتى لفيت عليكى المكان كله انتى روحتى فين
شوق:لأ ابدا مروحتش فى حته
شريف:عن اذنكم انا
ميرام\ شوق:اتفضل
ميرام:يلا بينا بقى احنا كده هنتأخر
شوق:ها اه يلا
وذهبت انا وميرام الى بوابه الخروج ولكن لحق بنا شريف
شريف:ايه على فين
ميرام:ابدا اصلنا اتأخرنا ولازم نمشى
شريف:هشوفك تانى
هنا احسست ان ميرام احست بالحرج لانه كان موجها كلامه لى
شوق:انشاء الله عن اذنك
شريف:سلام
وغادرت انا و ميرام المكان وذهب كل منا الى منزله وعندما دخلت الى غرفتى ظللت ادور فى غرفتى ثم بدلت
ملابسى وذهبت الى شرفتى وظلت صوره شريف لا تفارق خيالى وكلامه لا يفارق عقلى حتى غلبنى النوم فدخلت
واستسلمت لنوم هادىء عميق
على غير العاده
استيقظت من نومى ولكنى اليوم استيقظت على صوت هاتفى انها ميرام سارعت بالرد
شوق:الو يا مرمر
ميرام:يا هلا فيكى يا هلا
شوق:ههههه
ميرام:يلا هنتأخر على الجامعه خلصى
شوق:ايه ده ايه ده اول مره تبقى مهتمه بالدراسه والجامعه كده
ميرام:يعنى هو انا كده مش عاجب وكده مش عاجب
شوق:لالالا كده عاجب جدااا بصى يا مرمر اوعى تكونى زعلتى من كلام شريف امبارح
ميرام:لالالا ابدا والله انا كنت عارفه انه مهتم بيكى يا جميل
شوق:بت لمى نفسك واقفلى يلا خلينى البس
ميرام:ماشى يا عم ماشى اوعدنا يارب
حينها انهيت المكالمه وسارعت لارتدى ملابسى سريعا حتى لا اتأخر على الجامعه
نعم ارتديت هذا فمازال الشتاء مخيم على المكان ببرودته
وذهبت الى ميرام وذهبنا للجامعه
وبعد ان انهينا اول محاضره كان متبقى من الوقت ساعتان على بدء المحاضره التاليه فأخذت ميرام وذهبنا الى مطعم
قريب حتى نتناول الغداء
وبلفعل جلسنا وطلبنا ما سنريد اكله واتى الاكل وبدأنا فى الطعام ولكن رأيت شىء اوقفنى عن تناول الطعام
يا الهى انه شريف ولكن من التى معه هذه انها شابه صغيره فى السن اظنها فى سنى تقريبا كيف وهو قد قال لى انه
ليس لديه اخوات من هذه اكاد ان اشتعل فى وجههم ولكن لماذا انا افعل ذلك هل اغير على شريف لالالالالا كيف
اكون احببته فى لقائين فقط لا اعرف ماذا بى كل ما اعرفه الان وما يشغل بالى وتفكيرى ان اعرف من هذه الفتاه
التى تجلس مع شريف
ميرام:ايه يا بنتى روحتى فين
شوقكايه ما انا هنا اهو شوفتينى سافرت
ميرام:ايه فيه ايه باصه هناك ليه كده
هنا نظرت ميرام الى شريف
ميرام:اه شريفف ومين الى معاه ديه
شوق:مش عارفه
ميرام:ما يمكن اخته
سارعت بالرد
شوق:لأ مش اخته هو قالى انه مالوش اخوات بنات
ميرام:وانتى مالك هو انتى هتتحكمى فى الراجل
شوق:ميرام انا مش ناقصه والله يا تتكلمى كويس يا تسكتى
ميرام:طب هتعملى ايه
شوق:ولا هعمل حاجه
ميرام:انا عندى فكره حاولى تخليه يشوفك يمكن يعرفكم على بعض
شوق:فكره والله لالالالالا انتى هبله انا عمرى ما اعمل كده
ميرام:خلاص انتى حره
شوق:ميرام يا ميرام الحقى ده جاى علينا
ميرام:اعملى نفسك مش واخده بالك
شوق:اوكى
اتى شريف
شريف:اهلا ازيك يا شوق
حينها قلت (بأستهبال)
شوق:اه انا مين حضرتك
احسست ان شريف شعر بالحرج كثيرا
فحاولت ان الطف من الجو رغم البركان الذى كان بداخلى
شوق:اسفه والله مخدتش بالى ازيك يا شريف
شريف:ولا يهمك انتى عامله ايه
شوق:بخير الحمد لله
نظرت الى البنت الى تقف بجواره
البنت:مش تعرفنى يا شريف
شريف:اه صح اعرفك يا شوق ديه ساره بنت خالتى
وديه يا ستى شوق زميله منى خطيبه خالد
ساره:اهلا وسهلا اتشرفت بمعرفتك
قلت وانا بداخلى مليون سؤال
شوق:انا اكتر والله
ميرام:مش يلا يا شوق اصل احنا عندنا محاضره وهنتأخر عليها كده
شوق:بعد اذنكم يا جماعه
شريف:طب هشوفك تانى
شوق:انشاء الله
شريف:طب حتى نمره تليفونك
نظرت الى ميرام وقلت
شوق:اه اتفضل0000000
شريف:اوكى هتصل بيكى
شوق:اوكى عن اذنكم
ساره\شريف:اتفضلى
خرجت انا وميرام وانا رأسى تكاد تنفجر من الاسئله التى تدور بها
هل هى خطيبته؟ ولو ذلك لماذا لم يخبرنى بهذا من قبل؟ ام انها ابنه خالته فقط؟هل يوجد بينهم علاقه؟يا الهى ماذا بى
افاقنى من شرودى صوت ميرااام
ميرام:حاسبىىى
حينها اوقفت السياره وقلت
شوق:تعالى سوقى انتى انا مش عارفه اركز خالص
ميرام:اوكى
وتبادلنا الاماكن
ميرام:مالك يا شوق انا عمرى ما شوفتك مهتمه بحد كده
شوق:مهو ده الى هيجننى مش عارفه انا مالى اتضايقت ليه كده اما شوفت البنت ديه معاه
ميرام:ما يمكن بنت خالته بس وبيفسحها عادى
شوق:قفلى على الموضوع ده يا ميرام واعملى فى حسابك انك هتباتى معايا النهارده
ميرام:اوكى بس الاول اروح اجيب هدوم انام بيها
شوق:يعنى هو انا معنديس وسرعى شويه خلينا نلحق المحاضره
ميرام:حاضر بس انا بفضل تطنشى المحاضره ديه وتروحى ترتاحى لانك مش هتركزى اصلا
شوق:لأ انا مش هخلى حد يأثر على تفكيرى ومستقبلى ابدا
ميرام:خلاص يا ستى ادينا وصلنا اهو يلا انزلى
نزلت انا وميرام وبعد انتهاء المحاضره ذهبت انا وميرام الى فيلتى وصعدنا الى غرفتى حتى نبدل ملابسنا
وجلست انا وميرام نتحدث ونتسامر ميرام:انتى بتحبيه ولا ايه
ارتبكت كثيرا من هذا السؤال وبادرت بالقول
شوق:مش عارفه
ميرام:ههههه هو ايه الى مش عارفه امال مين الى يعرف
شوق:بردو مش عارفه؟
ميرام انا ايه الى خلانى اغير كده اما شوفت ساره معاه
ميرام:المفروض انا الى اسئلك السؤال ده
شوق:مهو انا مش عارفه اجابته اصلا
ميرام:مهو بصى انتى ل
وقاطع كلامنا صوت تليفون برقم غريب