الفصل الثاني
دول صور الأشخاص للبنات اللي طلبتها
عاصم: عمرو يوسف
سيف : احمد السعدني
ايسل :الهام عبدالبديع
منار: شيري عادل
روان :سارة الشامي
بوسي :اروي جودة
احمد : حسن الرداد
مختار : هتعمل ايه يا عاصم في حكاية الشغل هتشتغل معايا و لا
عاصم : انا قدمت ال C.V بتاعي في جامعة عين شمس و قالو هيردو عليا لسة مردوش
مختار : ماشي اتمنى انك تعقل بقا و تفكر في حياتك و مستقبلك و تستقر
عاصم : حاضر يا بابا
_______________
منار بتكلم روان في الموبايل
منار : يعني انتو الاتنين مش جايين انهاردة
روان : ايسل عندها سخونية مش هتقدر تيجي
منار: ماشي وانتي يا استاذة روان جاية ولا لا
روان :و انا كنت سهرانة امبارح و لو جييت هنام في المحاضرات و كدا كدا انهاردة مش عندنا حاجة مهمة
منار:ماشي غوري انتي كمان
روان : سلام يا حبي
_______________
بيقوم سيف من النوم .. يدخل ياخد دش ويطلع و يفتح دولابه المليئ بالملابس ياخد بدلة ويلبسها و يقف قدام المراية يمشط شعره و يضع البيرفيوم و ياخد موبايله ومفاتيح عربيته و يخرج من غرفته
قاعد علي السفرة والده (مختار) و والدته و أخوه الأصغر منه ( سيف )
عاصم: صباح الخير يا بابا صباح الخير يا ماما
باباه& مامته: صباح النور
سيف :مفيش صباح الخير يا سيف
عاصم :كنت لسة هقول يا رخم
سيف :طب انا لازم امشي بقا هسبقك انا يا بابا
عبير: انت لحقت تاكل
سيف : اه الحمد لله
(خرج سيف )
مختار : عامل ايه ؟
عاصم : الحمد لله .. كويس طول مانت كويس
سامح : رايح انهاردة الجامعة
عاصم : اه انهاردة اول يوم ليا ادعيلي يا ماما
عبير : ربنا معاك يا حبيبي
عاصم : ماما عايز القهوة بتاعتي
عبير :عاصم مش تفطر الأول خلي القهوة دي بعدين
عاصم : انتي عارفة اني مبفطرش دايما
مختار : بكرة تيجى الي تفطرك غصب عنك
عاصم : اديك قولت غصب عنك يبقى انا كدة حلو ولا ايه
مختار :عاصم انا مش هقولك الكلمتين بتوع كل مرة انى عاوز اشيل عيالك قبل ما اموت والكلام دة
عاصم : بعد الشر عليك يا بابا
مختار : بس هقولك ان العمر بيجري
عاصم : قولتلي كدة قبل كدة
مختار : برضو ؟
عاصم : اه
مختار ضحك : مفيش فايدة فيك
( يقوم عاصم ويغمز لوالده )
عاصم : تربيتك
عبير : واضح
عاصم : فكها بقا احنا لسة في اول اليوم يا بابا ولا عايزني ارجع لندن
مختار : لا ده كدا حلو هتروح شغلك امتي
عاصم :دلوقتي اهو .. محتاج حاجة قبل ما امشي ؟
عبير : عايزين سلامتك ربنا معاك
عاصم : يارب
دخل دكتور عاصم المدرج و مسك المايك بدأ يتكلم
( معظم البنات مبهورين بشكله و مبسوطين ان ده الدكتور الجديد بتاعهم )
عاصم : انهاردة اول محاضرة ليا معاكم … احب أعرفكم بنفسي …. دكتور عاصم مختار العدوي
منار لما سمعت الاسم اتصدمت و كانت مش مصدقة
منار لنفسها : معقولة عاصم العدوي ولا ده تشابه أسماء لالا اكيد تشابه أسماء مش معقول
_______________
بعد انتهاء المحاضرة خرجت منار و دخلت مكتب شؤون الطلبة و قابلت حد هناك
منار : شريف بقولك
شريف : ايه يا منار
منار : عايزة اعرف الدكتور الجديد ده اللي اسمه عاصم اسمه ايه بالكامل
شريف : اشمعنا يعني
منار : قول بس و هقولك بعدين
شريف : خلاص يبقا ترسميلي حاجة
منار : هعملك ولله بس قول
شريف : عاصم مختار العدوي
منار : معقولة انت متأكد
شريف : أيوة ولله في ايه يا بنتي
منار : ها لالا مفيش مفيش سلام
_______________
ايسل كانت نايمة و موبايلها رن كان سيف ردت عليه
ايسل بصوت مرهق : ايه يا بني 15 ميسد كول
سيف : ما انتي مبترديش ولا حتي بتكنسلي
ايسل: بالعقل كدا يا غبي يا نايمه يا نايمه يا باكل
سيف : اصلك بتوحشينى اعمل ايه انا
ايسل:مش وقتك يا سيف خالص
سيف : لا ولله .. مال صوتك كدا
ايسل : تعبانة عندي سخونية
سيف : الف سلامة عليكي روحتي للدكتور؟
ايسل : اه روحت و اخدت دواء
_______________
منار قاعدة في اوضتها بترسم و سرحانة
منار: معقولة ايه الصدفة دي ده انا فرصتي ايجت لحد عندي
دخلت والدتها عندها
سميرة: منار يلا عشان تتغدي
منار : ماما
سميرة : ايه يا حبيبتي
منار : مختار العدوي يا ماما
سميرة :مالو
منار : ابنه دكتور هيديني مادة في الجامعة
سميرة :و انتي يخصك في ايه
منار : يخصني اللي حصلك
سميرة: منار انتي عايزة ايه
منار : مفيش يا ماما بس الفرصة ايجت لحد عندنا يبقا استغلها
سميرة بعصبية: اسمعي بقا و حطي الكلمتين دول حلقة في ودنك اللي بتفكري فيه ده لو هتنفذيه يبقا تقعدي في البيت احسن ولا احولك جامعة تانية
منار بخوف: يا ماما ايه اللي بتقوليه ده وانا بفكر في ايه
سميرة : ده موضوع حصل من سنين طويلة و اتقفل وانا خلاص نسيته
منار : لا ي ماما انتي منستيش وانا كمان مش ناسية مش ناسية مختار العدوي يا ماما مش ناسية دموعك اللي كل ما تقعدي لوحدك و تفتكري زمان تدمعي مش ناسية ظلمه ليكي و مش هقدر انسي
سميرة: يبقا احولك يا منار
منار : يا ماما ايه اللي بتقوليه ده
سميرة : انتي اللي عايزة ايه عايزة تلعبي مع مين اكيد زي أبوه يعني والنبي يا بنتي كفاية بقا خلينا في حالنا انا مطلعتش من الدنيا غير بيكي انتي
منار : يا ماما انا
سميرة :هعتبر نفسي مسمعتش ولا كلمة من اللي اتقالو و ياريت تنسي احسن و يلا عشان الاكل هيبرد
_______________
تاني يوم بعد انتهاء المحاضرة كانت منار و روان بيتكلمو
روان : هي ايسل عارفة ان دكتور عاصم اخو سيف هو اللي هيدينا
منار بصدمة : نعم ده اخو سيف
روان : أيوة يا بنتي نفس الاسم حتى
منار : تصدقي معرفش غير انه اسمه سيف الدين مختار بس زي ما هو كاتبه ع الفيس
روان : لا ايسل عارفة
منار : غريبة يعني ده مش شبهه خالص
روان : اه فعلا فرق السما من الارض
منار : بس عاصم احلي
روان : لا سيف احلى علي فكرة لا بس هما شبه بعض لكن سيف علي قمحي شوية و عينيه عسلي
منار : هي ايسل عارفة ان ده اخو سيف
روان: لا متعرفش مقولتلهاش انا عاملاهالها مفاجأة
منار : اكيد سيف قالها يا ذكية
روان: لا لو قالها كانت قالت بتهيالي سيف ميعرفش انه بيدينا احنا اكيد فاهم دفعة تانية
_______________
سيف كان في البيت عند ايسل بيزورها
سيف: ما انتي زي القردة اهو اومال فين تعبانة و خلاص هموت
جدها : لا ده دلع يا سيف المهم طمني اخبارك ايه
سيف : الحمد لله يا جدو حضرتك عامل ايه
جدها : الحمد لله
سيف : اتفضلي بقا الحاجات دي انا كنت جايب الشوكليت دول قبل ما تتعبي بس متاكليش منهم غير بعد ما تكوني كويسة
ايسل اخدت منه الشوكليت و فتحت واحدة
ايسل : حتة صغيرة بس مش هتاثر تاخد حتة
سيف: لا مبحبهاش انتي عارفة
ايسل : مكنتش هديك اصلا
جرس الباب رن و قامت ايسل تفتح كانت روان و منار حضنتهم و دخلو
ايسل : كنتو واحشني اوووي
منار : وانتي اكتر يا حبي
روان : عاملة ايه انهاردة
ايسل : الحمدلله تمام تعالو ده سيف هنا
دخلو عند سيف و جدها
ايسل غمزت لسيف: اه صحيح انا مخبية عليكم حاجة ممكن توصل لانقطاع الصلة الودية بتاعتنا
منار : ها
روان : ايه ده اللي دقنك ده شوكليت
ايسل : اوبس نسيت امسح أثر الجريمة
منار : جبتى شوكليت من ورانا يا سيلا
ايسل خرجت العلبة اللي فيها كل الشوكليت
ايسل: دي بابلي ديري ميلك حجم كبير بس ولله
روان : ايه ده كل ده بتاعك لوحدك يا بنت الايه
ايسل دخلت اوضتها و هما جريو وراها
_______________
ايسل :هديكو ولله بس محدش يزغزغني كفاية استسلمت
روان :ناس مبتجيش غير بالزغزغة
منار : انا بقول كفاية كدا عليها بقا
ايسل : يا كلاب يلا بقا نخرج عشان مقدمتش حاجة لسيف و لا ليكو
_______________
جدها : صحيح يا سيف كنت عايزك في استشارة قانونية كدا
ايسل و منار و روان : ههههههههههه
سيف : لا ماهو انا مكنتش بدخل الامتحان الا بربع المنهج ف هتلاقيني في القانون مش قد كدا
ايسل: ما هو فاشل اصلا
سيف: حوشي يا بت الامتياز اللي بتجيبيه كل سنة
منار : كدا انتو خالصين بقا
ايسل : يابني انت فاشل اصلا
سيف : من بعض ما عندكم ياختي
_______________
عاصم و سيف كانو عند بوسي في البيت
عاصم : انا زهقان اوي ما تيجو نغير جو ناخد يومين اجازة
احمد : ايه يا عم احنا مش فاضيين زيك انا ورايا بيتي و شغلي و مراتي و بنتي و بعدين حاليا مش مرتبها خالص استني لما اخد إجازة بقا
عاصم : يا عم خد اجازة منهم و من بوسي و بنتك
بوسي دخلت عندهم في الوقت ده
احمد : لا يابني انا مقدرش استغني عن بوسي و لا يوم واحد
عاصم : كلام قدامنا بس يابني متصدقوش
احمد : لا يا عم انت دي بوسي جوه عنيا و قافل عليها برموشي هو انا عندي اغلي منها هي و البت المشاكسة اللي جوة
عاصم : تيرارارا
بوسي& احمد& سيف : هههههههههه
بوسي : عاقل يا حبيبي بس لو هتسافر تاخدنا معاك
عاصم: روح يا عم العاقل من هنا خليك معايا انت يا سيف ايه رايك نطلع علي شرم ولا اسكندرية
سيف: مينفعش اليومين دول ابوك مش هيوافق ده مسلمني قضية و شوية شغل عليها
بوسي : أيوة يا عم عاصم ناس ليها سفر و خروج و شرم و ناس ليها قاعدة البيت
عاصم : بطلي نق ما انتي شايفة لا ده عايز يجي ولا التاني
بوسي : حتي لو وافقو ابوك مش هيرضي اصلا هيقولك لحقت تزهق اهدي شوية يا عاصم انت لسة جاي حتي عشان شغلك اللي انت لسة مكملتش أسبوع فيه قول بقا انك عايز تسافر عشان تشوف بنات ما انت عينك زايغة اصلا
عاصم : انا عمري ما شوفت ولا كلمت حد هما اللي بيبدؤا اصلا .. بنات ملهاش حد يلمها
احمد :ما بلاش نجيب في سيره بنات الناس احنا لينا اخوات برضو
بوسي: اما ادخل احضرلكو العشا احسن و عقلوا شوية يا احمد
_______________
عاصم : صحيح يا سيف انت لسة بتحبها في صمت
احمد : و الله حرام عليك نفسك
سيف : يعني اعمل ايه يا عاصم خايف متوافقش
عاصم : و افرض حد اتقدملها يابني هتعمل ايه ساعتها؟
سيف : فال الله و لا فالك
عاصم : بقول افرض امال لو طلعت بتحب هتعمل ايه؟
سيف بصدمة: بتحب !!
عاصم: اه هي مش بنت زي كل البنات من حقها تحب و تتحب
سيف : لا يا عاصم معتقدش ( ضحي ) عمرها ما تعمل كده ..
و سكت لحظات وكمل
..ضحي تحب !! تحب ازاي يعني تحب مين اصلا هي متعرفش حد غيري
احمد : ايه يا ابني انت الكلام ده اهدي شوية عليه مش كدا
عاصم : انا قولت حاجه غلط مش ده واقع ممكن يحصل انا بفوقك يا اهبل
احمد : عنده حق يا سيف ممكن تحب فعلا
عاصم : .. اسالني انا البنات دول اي حد يشاورلهم يجروا عليه
سيف بنرفزه : ضحي مش زي البنات اللي تعرفهم يا عاصم و لو سمحت نقي الفاظك مش كل كلامك دبش كده
قام سيف يمشي بعيد عنهم
احمد : ايه يا سيف استني هو في حد بيزعل من عاصم ما انت عارف اخوك هو خايف عليك عايزك تعترفلها بس عشان متضيعش منك
عاصم : سيف انا اسف مقصدتش ازعلك
سيف : محصلش حاجه انا بس مخنوق و عاوز اتمشي شوية لوحدي و بعد كدا هروح البيت
عاصم : عشان خاطري متزعلش مني
سيف : هو انا اقدر ازعل منك برضو .. عاوزين حاجه؟
عاصم : خلي بالك من نفسك
احمد : سيف استني بوسي بتحضر العشا كل الأول
سيف : ماليش نفس خليها مرة تانية و لازم امشي قبل ما بوسي تمسك فيا انت عارفها
عاصم : انا اسف يا سيف بجد مقصدش
….
سيف قاطعه: عارف ولله يلا سلام بقا انا نازل
_______________
بعد ما سيف خرج كان عاصم و احمد و بوسي بياكلو
احمد : كان لازم تتسحب من لسانك
عاصم بحزن : و الله ما كان قصدي
بوسي : في ايه
احمد : عاصم قال ل سيف يعترف ل ضحي أنه بيحبها بدل ما هو ساكت كدا و قاله أنها ممكن تكون بتحب اصلا
بوسي: ده كلام برضو يا عاصم ما انت عارف هو مبيستحملش كلمة عليها
عاصم : خلاص بقي هو سيف كده كل اما تيجي سيرتها يقفش و بعدين بدل ما تروح منه خليه ساكت
احمد : ربنا يجعلها من نصيبه
عاصم & بوسي : يارب ❤❤❤
احمد :و انت يا عاصم مفيش جو كده و لا كده؟
عاصم : لا لسه بدري انا مش ناقص وجع قلب و بعدين مفيش احلي من الحريه
بوسي: يعني عاوز تفهمني انك محبتش و لا واحده من ال 500 بنت اللي تعرفهم
عاصم : انا.. عمري طبعا ما حبيت و لا واحده فيهم .. اجيب منين ثقه لبنت جريت ورايا و قالتلي بحبك و انا عمري ما لمحتلها حتي باعجاب
بوسي : صوابعك مش زي بعضيها اكيد فيهم الحلو و فيهم الوحش
عاصم : حلو بقي و لا وحش انا مبفكرش في حب و كل واحدة فيهم عارفة اني مش هتجوزها و بيقبلو علي نفسهم كدا عادي يعني من الاخر بيقضوها عشان كدا مش ناوي احب خالص
احمد : ده انت بايعها خالص
بوسي : ولله يا عاصم مش كل البنات زي ما انت شايف في بنات كتير محترمة
عاصم : أيوة عارف انه فيه بس دول قليلين اوي يدوب يتعدوا علي الصوابع
_______________
بعد أسبوع
صفاء : اومال الأستاذ سيف ده هيجي يتقدملك امتي ان شاء الله
ايسل : ماما قولتلك 1000 مرة ان انا و سيف مش مرتبطين اصلا احنا صحاب بصي احنا (just friend) بس ولله مش كل مرة يعني افكرك
صفاء : صحاب اااه قولتيلي ماشي يا ايسل حسابي معاكي في الموضوع ده بعدين انا هرجع شقتنا دلوقتي و حسابنا هناك مش هنا جاية معايا ولا قاعدة
ايسل : انا قاعدة مع جدو
_______________
في المساء
ايسل :الشاي باللبن بتاعك يا احلي جدو
جدها: هو حلو عشان من إيديك الحلوة يا ايسل
ايسل : يا بكاش انت …. ثواني يا جدو هرد علي الموبايل … ده سيف …. ايه يا سيف ازيك … انا تمام وانت …. لا الحمد لله بقيت احسن شوية … لا متتعبش نفسك منار هتصورلي المحاضرات كلها و هتجبهالي هي و روان …. اه يابني متقلقش ولله عليا ولله عادي اصل كدا كدا مالوش لازمة القعدة دي كلها …. لا ربنا يخليك باي
قفلت معاه و نظرت لجدها اللي كان بيراقب المكالمة بصمت
جدها: بتعزى سيف اوى اكتر واحد في زمايلك
ايسل: جدا يا جدو سيف ده اخويا و صديقي اللي بجد وبصراحة احنا معوضين بعض ع النواقص اللي موجوده يعنى هو مش ليه اصحاب مقربين غيرى وانا كان نفسي يكون ليا اخ زيه صحيح عندي صحاب زي منار و روان لكن سيف اخويا بجد مش مجرد صديق و خلاص وهو انسان كويس اوى من جوه ربنا يوفقه و يسعده يارب
جدها بيغمز ليها: يعنى صحاب بس
ايسل لاحظت تلميح جدها : يا جدو انا مش محتاجه غمز علشان اقولك و عارفة ان ماما هي اللي قالتلك تسألني و حتي لو كان في حاجه مش هستناك تسألنى او تلمحلى هتلاقينى جيت قدامك و قولتلك كل حاجة و غير كدا احنا علاقتنا مجرد صداقة و اخوة بس احنا صحاب من سنتين و هو شخص محترم جدا كفاية انه بيقف جنبي دايما اذا كان هو ولا روان ولا منار دول كنز حياتي يا جدو
جدها : اتمنى الايام متفرقش بينكم يا سيلا لان الصحاب سهل تفريقهم
ايسل: الا منار و روان و سيف احنا لما بنتخانق يوم مقدرش تاني يوم منتكلمش لازم نتصالح مع ان روان معرفتهاش غير عن طريق سيف عشان أخوها متجوز اخته رغم اني اعرف روان من مدة قصيرة الا أنها هي و سيف اخدو مكانة كبيرة عندي و بقا زي منار عارف يا جدو انا ممكن اقعد اتكلم معاهم كتير اوووي و مزهقش منهم و محسش بالوقت معاهم كل حد فيهم ليه مكانة خاصة عندي شخصياتنا مختلفة عن بعض يمكن ده مخلي علاقتنا مختلفة احنا موجودين في حياة بعض عشان نتعلم من بعض ولما حد فينا بيكون هيقع كلنا بنقف جنبه و ننصحه
جدها : طب و سيف
ايسل : سيف ده حاجة تانية …. ده مش مجرد صاحب ده اخ و يمكن لو كان عندي أخ معتقدش كان هيبقا زيه اوقات بحكيله حاجات مش بحكيها لموني و رونا يمكن لانه بيفهمني من صوتي بيعرف ازاي يقنعني. … اما منار بتفهمني من غير ما اتكلم بتعرف انا قصدي ايه و روان دي بقا الحنية كلها مبتستحملش زعلي نهائي و دايما كلامها بيكون صح باختصار يا جدو عمق صداقتنا زي قول أبي بكر الصديق ?
( شرب الرسول فارتويت أنا ✋ )
جدها : للدرجة دي
ايسل : و اكتر مش بقولك صحابي دول كنز حياتي
جدها : طب وانا فين في ده كلو يا بت انتي
ايسل بابتسامة : يا حبيبي انت سندي و الحاجة الوحيدة اللي بتخليني مطمنة عامل زي اللمبة الصغيرة اللي دايما منورة لو اتطفت هخاف عشان كدا انا مطمنة طول ما انت معايا لان راحتي و اماني معاك ربنا يطول في عمرك يارب و يحفظك ليا يا احلي جدو في الدنيا
و قبلت يد جدها
جدها : و يخليكي ليا يا حبيبتي و أفرح بيكي يارب …. ايسل هو مش ممكن الصداقة دي تتحول ل حب
ايسل : مع سيف لا معتقدش هو عايزني صديقة و اخت وانا نفس النظام ده غير ان هو بيحب اصلا و حتي لو مش بيحب احنا بقالنا سنتين و اكتر صحاب عمره ما اتعدي حدوده ولا قال نرتبط و انا و سيف مستحيل نرتبط انا هدخل انام يا جدو عايز حاجة
جدها: عايز سلامتك يا حبيبتي تصبحي ع خير
ايسل :وانت من اهله
_______________
ايسل موبايلها بيرن و كان سيف
ايسل: اوبس ده انا نسيتك خالص
ايسل: مساء الفل يا سوفا
سيف بعصبية : لا يا شيخه لسة فاكره دلوقتى
ايسل: والله انشغلت بكذا حاجه
سيف: دي عادتك ولا تشتريها بتنفضيلى يعني
ايسل: انفضلك عيب ده انت سيف برضو
سيف: ثبتينى ياختي..ها عملتى ايه انهارده
ايسل بتنهيدة : مفيش كنت بذاكر و كلمت رونا و منار و كدا زي كل يوم
سيف : أيوة رونا و منار وانا اولع صح
ايسل : ماما كانت موجودة و معرفتش اكلمك لانها قافشة مني شوية
سيف بقلق: ليه
ايسل : بتقولي سيف هيتقدملك امتي قولتلها احنا صحاب و احلفلها و هي مش مقتنعة وطبعا كلمت جدو حكيتلو
سيف : يا بنتي و مين هيرضي بيكي غيري اصلا طب ما اتقدملك و خلاص
ايسل بتضحك :و كنا مع الفاصل الليلي للتهييس امشي يا واد من هنا
سيف بيضحك: وربنا عادي انا اجوزلك اصلا و اجوز لاهلك بس انتي توافقي عليا
ايسل : أيوة أيوة
سيف :بكرة تندمي
ايسل :لا بكرة مش فاضية روح وفر الكلمتين الحلوين دول ل ضحي صحيح انت هتعترفلها امتي يابني انا تعبتلك ولله
سيف : ايسل
ايسل : ها
سيف : خايف
ايسل: يا سيف متخافش يمكن هي بتحبك
سيف : لا معتقدش و بعدين غيري الحوار ده
ايسل : حاضر اه صحيح ده الساعة داخلة ع 11 انا لازم اقفل
سيف : نفسي افهم بتقفلي الساعه 10 ليه يعني هو انا هاكلك
ايسل : لا ماهو انت بالليل هيكون عندك فراغ عاطفي بقا و اوفر ثينكس ف نقفل احسن و نروح نعمل ساندويتش جبنة كيري حلو كدا يعوض
سيف : انا برضو ولا انتي
ايسل : يلا يا واد من هنا هنرش ماية
سيف : احلمي بيا ها اخر حد كلمك انا
ايسل : لا روان هتتصل بيا
سيف : يا رخمة يلا سلام بقا
ايسل : سلام
_______________
في الجامعة
سيف : انا مش فاهم ايه اللي خلاني اوافق تيجي انهاردة كنتي استنيتي لحد ما تخفي يا بنتي
ايسل بصوت ضعيف : يا سيف انا كويسة
سيف مخضوض: ايه يا سيلا مالك حاسة بحاجة بتوجعك قوليلى عشان لو محتاجة دكتور
ايسل : لا كويسة بس انا نسيت اخد الدواء بتاعي قبل ما اجي و مصدعة اوي
سيف : حاجة وجعاكى طيب اروحك
ايسل : لا لازم احضر انهاردة انا بقالي أسبوع مروحتش
سيف : طب تعالي نروح الصيدلية اللي قدام الجامعة دي و نجيب الدواء بتاعك منها
ايسل : لا مالوش لزوم لما اروح هاخده
سيف: لا تعالى بس نروح الصيدليه و نجيب حاجة تاكليها عشان متتعبيش ولا اقولك خليكي هروح اجيب الحاجة و اجي
ايسل بتخرج فلوس من شنطتها : سيف استني خد دول
سيف بضيق: بطلي هبل بقا 5 دقايق و راجعلك مش هتاخر
_______________
( بعد ما سيف جابلها الدواء و الفطار خرج يروح شغله و دخلت ايسل المدرج بتاعها )
ايسل قاعدة في المدرج مع زمايلها
ايسل: اومال ايه الحوار انهاردة كل البنات حاطة full make-up و اخر شياكة هو العريس جاي ولا ايه
مارينا : لا وانتي الصادقة ده انهاردة الاربعاء
ايسل : مالو يعني الاربعاء ما كل مرة بيجو عادي هو الاسبوع اللي انا غيبته حصل في حاجة جديدة يا عيال
بيتر: أيوة يا بنتي حصل حاجات
ايسل : ما تقول يابني
بيتر: دكتور عاصم بقا (مهند الجامعة ) زي ما مسميينه
ايسل ضحكت: مهند الجامعة لا جديدة دي و يطلع مين بقا دكتور عاصم ده
مارينا: ده حاجة كدا يا ايسل زي عمرو يوسف علي أحمد فهمي المغني علي مهند علي الواد اللي اسمه علي في مسلسل بنات الشمس
ايسل : هو مز اوي كدا
بيتر: بس هو تقيل كدا و شكله مش من النوع ده خالص
مارينا : لا وانت الصادق ده تلاقيه بيتقل عليهم
دخلت روان و منار المدرج و قعدو جنبهم
ايسل :ما بدري ياختي انتي و هي
منار : كدا كدا المحاضرة لسة مبداتش اصلا
ايسل : اه صحيح انا ماخدتش الدواء و الأكل
روان : طب بسرعة قبل ما الدكتور يدخل
( دخل الدكتور عاصم في الوقت ده كانت ايسل مازالت بتاكل لكن دخلت الاكل شنطتها و هو شافها و هي بتاكل اللي في بوقها )
عاصم : الآنسة اللي بتاكل
ايسل : أيوة يا دكتور
عاصم : مفطرتيش في بيتك يعني
ايسل : لا
عاصم : بعد كدا حضرتك تيجي وانتي فاطرة من بيتك بتهيالي يا أساتذة الجامعة مش مكان للاكل يعني
ايسل: حاضر هبقا اتغدا كمان
عاصم : ده انتي بتهزري
ايسل: لا ده حضرتك اللي مزودها بتهيالي يعني
عاصم : مزودها امممم
خبطتها منار في رجلها عشان تسكت
عاصم : اسمك ايه
روان و مارينا: خلاص يا دكتور هي متقصدش
منار:يا دكتور هي كانت بتاخد الدواء بتاعها ولله
عاصم : ما تقولي اسمك ولا انتي لسانك مبيطولش غير اوقات بس
ايسل : اسمي ايسل …. ايسل محمد جلال
عاصم: اطلعي برة
ايسل :اوكيه
منار : انتي بتهزري اعتذري يا ايسل ده ممكن يشيلك المادة
ايسل : مش هعتذر عشان اقلل من كرامتي يعني و يتنك عليا
عاصم : و ياريت متحضرليش اي محاضرة لآخر السنة
ايسل:وانا ميشرفنيش اني ادخل مكان في واحد زيك
عاصم :تمام اوووي
ايسل: علي فكرة انت إنسان مغرور جدا ايه ده بجد
روان :و النبي اعتذري يا ايسل انا عارفة دكتور عاصم ده كدا انتي شيلتي المادة